Sazmanî Înqilabî u Kurdistan (195)
Bo karî siyasî ême le şêwazî corucor kelik werdegrîn. Bangewazî giştî xelik dekeyn le rêgey radyowe ke hemû rojêk be zimanî Kurdî û 'Erebî weşanî heye. Cige lewe, bilavokî berdewamman heye wek "Rêbazî Nwê" ke organî Yekêtî Nîştmanîye be zimanî Kurdî. "Şerare"man heye ke organî Yekêtîye be zimanî 'Erebî. Beyanname, bilawkrawe û namîlke le astêkî zor da bilaw dekeynewe. Cige le hemû emane ême le êstay Kurdistan da çuwar nawendî nawçeyîman heye ke heryekeyan be pêy hel û mercî taybetî xoyan govar û beyanyan heye. Hemû emaneş hawkat legel rûnkirdnewey zarekî - takekesî û be komel -î endaman û layengiranî Yekêtî ke le pêwendîyekî çir dan legel xelik da. Be manay eweye berdewam serqalî rûnkirdnewey kêşekanin. Serbarî emaneş ême be pêy pêwîstî le gundekan kobûnewey giştîman heye bo lêkdanewey kêşekan bo xelik. Ême hewil dedeyn xelkîş le lay xoyanewe boçûnekanyan bixene rû. Yekêtî nîştmanî cextêkî zorî heye leser dêmokrasî bo xelik û lem rûwewe kadir û endamanî xoy perwerde dekat bo ewey be gwêy kirawewe rûberûy wîst û rexney xelik bibnewe. Hawkat komeley Rencderanî Kurdistan û Yekêtî Şorişgêranî Kurdistan her yeke be serbexoy bilawkrawey xoyan heye. "Komele" organî Komeley Rencderanî Kurdistan e û "Kurdayetî"îş govarî Yekêtî Şorişgêranî Kurdistan.
Pirsyar: Bîstûme gencanêkî zor deyanewêt çek helgirin, çi ewaney le gundekan demênnewe û çi ewaney deyanewêt be hêzî pêşmerge peywest bin. Çon detanewê u detuwanin kêşey çekdarkirdinî xelik çareser ken?
Wilam: Debêt didan bewe da bênim ke ême le rûy çekewe le kêşe û tengane dayn. Emroke eger çekman bibwayet demantuwanî le katêkî kurt da hêzî çekdarî xoman çend ewende bikeyn. Cige leme demantiwanî xelkî zehmetkêşî gundekanîş çekdar bikeyn bo bergirî le xoyan. Ême be zorî lem rêgeyanewe çek bedest dehênîn
Çekkirdinî hêze dewletîyekan, eme serçawey cêgey mitmane û hemîşeyî ême ye. Le salî 82da ême ziyatir le 1500 çekman le dewlet u nokeranî hukûmet dest kewit. Serçawey dûwem kirînî çeke le bazarî qaçax. Ême hemû xelik han dedeyn ke çek dabîn biken. Hem xoman û hemîş cemawerî şorişgêr hewil dedeyn le bazarî reş da çek bikrîn.
Hewilman dawe jimareyek çek le derewe bihênîn, belam be daxewe serkewtû nebûyn, çunkû rijîmî Turkya u Iran destyan girtûwe beser ew çekan da u êsta le destî ewan daye.
Pirsyar: Ey kêşey tirî tedarukatî çon çareser deken?
Wilam: Pêştir hêzekanî ême le rûy xwardemenîyewe be xelkî gund bestrabûnewe. Bo wêne polêk pêşmerge deçûne naw gundekan u dabeş debûn bo xwardinî nan. Helbet le salanî rabridû da lem rûwewe hendêk alugorman beser da hatûwe. Legel azadkirdinî çend nawçeyekî berbilaw, hêzî pêşmerge tuwanîyan komelêk binkey hemîşeyî bikenewe bo xoyan serbexo kêşey xwardin çareser biken. Pêşmerge kel û pel û pêdawîstîyekanî xoy le dû rêgewe çareser dekat: kirîn le bazar u yarmetî xelik. Hewil dedeyn ta ew cêgey pêman bikrêt qursayî leser xelkî gund kem bêtewe. Ewan lem salaney duwayî da berpirsayetî u kêşey zoryan le ser şan bûwe.
Pirsyar: Le her xebatêk da şehîd heye, êwe le xebatî emcaretan da şehîdî zortan heye. Lew rojaney le Kurdistan bûm pêşmergey zorm bînîwe ke kure şehîd bûn. Biray zorim bînîwe ke paş şehîdbûnî birakanyan çekyan helgirtûwe û çûnete şax. Le şê'r u edebî Kurdî emro da şehîd pêgeyekî taybetî heye, radyokey êwe rojêk le hefte da bernamey taybet be şehîdanî heye ke zortirîn gwêgrî le naw bernamekanî dîke da heye. Kemêk basî eweman bo biken. Helsukewtî binemaley şehîdan çone û êwe çîtan bo kirdûn?
Wilam: Be daxewe ême şehîdî zorman hen. Lem hewt saley duwayî da nizîkî 2500 roley qareman u şorişgêrî Yekêtî Nîştmanî Kurdistan giyanî xoyan le rêgey amancî zehmetkêşan u gelî Kurd da bext kirdûwe. Şoriş u rizgarî neteweyî be bê giyanfîdayî u le xoburdeyî sernakewêt û nayete dî. Xwênî şehîdan, qaremanetî u giyanbextkirdinî rolekanî emroy şorişeke debne hewênî beyanîyekî serkewtû u Kurdistanêkî azad û dêmokrat. Şehîdanî ême ke le nawyanda kadêrêkî zor u jimareyek rêberî diyar hen, mamostayekî başin bo ême. Ewan be kirdewey xoyan dersî fîdakarî û giyan bexit kirdûyî dedene hêzekanman û kewtinyan debête hoy peywest bûnî deyan şorişgêrî dîke be hêzekanî pêşmergewe. Rêgem biden pêş ewey bilêm ême çî bo binemaley şehîdan dekeyn, helsûkewtî ew daykanet bo bas bikem ke be tazeyî bînîwmin: şehîd Feyislî Neqişbendî yekêk le aza û biwêrtirîn fermandekanî hêzî pêşmerge bû. Şarezayiyekî taybetî le teqekirdin da hebû. Be kilaşînkof u be tenya destêk petî qulapî masîgirî le mewdayekî ta radeyek dûrewe depêka. Le naw awêneda, nîşanekey dedozîyewe û deyişikand. Berdewamîş serkewtû bû. Em fermande aza û biwêre, le berey Kurdistanî Iran da u le şer legel erteş, supa û Qiyadey Muweqet da şehîd kira.
Dirêjey heye...
parvê bike
