Polêsên Tirk dîsa komkujer parastin

Di salvegera Komkujiya Gara Enqereyê ya 10'ê Cotmehê de li ber Gara Enqereyê çalakiya bibîranînê hate lidarxistin. Lê belê polêsên dewleta Tirk êriş bir ser bibîranînê û gelek kes kirin nezaretê. 

Di savelgera Komkujiya Enqereyê ya 10'ê Cotmehê de, li ber Gara Enqereyê çalakiya bibîranînê hate lidarxistin. Ev komkujî bi hevkariya dewleta Tirk û DAIŞ'ê hatibû li darxistin û tê de 104 kes hatibûn kuştin. Pirraniya van kesan jî Kurd bûn. Lê belê polêsan xwest vê çalakiya bibîranînê asteng bikin. 

Çav li rê bû ku çalakî doh saet di 10:04´an de  bi rêzgirtinê dest pê bike. Yanî tam di wê kêliya êrişê de 104 şehîd wê bihatana bibîranîn.  Lê li pêşiya Gara Enqereyê bi sedan polês hebûn û wan dor li avahiyê girtibû.

Polêsan rahiştibû lîsteyekê û qaşo destûr didan tenê malbatên şehîdên komkujiyê. wan got, ew destûrê nedin ti kesa din ku tevklî çalakiya bibîranînê bibin. Koma ji 30 kesan li ber vê yekê rabû û xwest xwe bigihîne Xaçerêya Ûlaştirmayê. Polêsan êriş bir ser komê û gelek kes bi erdê re kaş kirin û kirin nezaretê. 

ENQERE