Sazmanî Înqilabî u Kurdistan (198)
Pirsyar: Pêwendî êwe be xebatî Felestînewe çone?
Wilam: Ême le heman seretawe piştgîrî şorişî Felestînman kirdûwe û yekêk le hawrêyan û hawxebatanî em şorişe u gelî Felestîn û rêkxirawe şorişgêrîyekanyan bûyn. Yekêtî Nîştmanî Kurdistan le rojî yekemî damezranewe hawkarî legel şorişî Felestînî le bernamekanî xoyda guncandûwe. Yekêtî Nîştmanî girîngîyekî zor be şorişî Felestîn dedat u xebatî gelî Felestîn be piştîwanî gelî Kurd dezanê. Ême legel rêberayetî rêkxirawî azadî bexşî Felestîn u leserî ewîşewe Yasir 'Erefat da u rêkxirawî Fetih pêwendî başman heye. Wekî tir legel berey gel û Rêkxirawî Rizgarî Felestîn be serokayetî Corc Hebeş pêwendî başman heye û hawxebat û dostî nizîkîn. Legel Berey Dêmokratîk bo Rizgarîy Gelî Felsitîn be serokayetî biraman Nayif Hewatime dostayetî, yekêtî, xebat û pêwendî baş û nizîkman heye û em dû rêkxirawe le hemû rûyekewe yarmetîyan dawîn û piştîwanyan le xebatî gelî Kurd û mafî çarey xonûsîn bo gelî Kurd kirdûwe û rayangeyandûwe u be kirdeweş em gutareyan selmandûwe. Ewan nek her legel ême belkû legel hêze pêşkewtinxwaz û şorişgêrekanî tirî Kurd le parçekanî dîkey Kurdistanîş her wayan kirdûwe. Wekî tir ême legel Berey Gel bo Rizgarî Felestîn (fermandey giştî) be serokayetî biraman Ibrahîm Cebreyîl hawrêyetî û pêwendî nizîkman heye. Herweha legel "Elsaîqe" be rêberayetî biraman 'Usam Elqazî pêwendî û hawkarî çir u pirman heye. Ewan le helûmercî dijwar da yarmetîyan dawîn û piştîwanman bûn. Xoş bextane zorêk le rêkxirawekanî şorişî Felestîn dozî Kurd be başî denasin. Ewan piştîwanî gelî Kurd û dostî nizîk û dilsoz û hawxemî Yekêtî Nîştmanî Kurdistanin. Le beramberîşda wek le serewe cextim leser kird, ême piştgîrî gelî qaremanî Felestîn dekeyn û piştîwanî mafî çarey xonûsîn û sercem amancekanyanîn. Be şexsî bo xom le konewe pêwendî çirim be şorişî Felestînewe heye û bem pêyeş hestêkî taybetîm bo ew şoriş û bizûtneweye heye. Le konewe hawrêyetîm legel rêberanî bizûtnewey Felestîn û be taybetî Corc Hebeş û Nayif Hewatime heye û le salekanî 69 u 70 da her çîman pê kira bo şorişî Felestîn kirdman. Le 71 ta 74 bo xom be sîfetî şexsî le Berey Rizgarîy Felestîn be rêberayetî Corc Hebeş karim kirdûwe. Ewîş hawkat yarmetî zorî êmey dawe. Le seretay damezrandinî Yekêtî Nîştmanîda biraman Nayif Hewatime le rûy siyasî û me'newîyewe yarmetî zorî êmey da. Ew be durustî boçûnî dostane u hawrêyaney gelî Kurde u le hemû şwênêk be taybet le danîştine nêw dewletîyekanda piştîwanî Kurd û Yekêtî Nîştmanî Kurdistanyan kirdûwe.
Pirsyar: Yekêtî Nîştmanî Kurdistan pêwendî û dostayetîşî legel Lîbya û Surya hebûwe, belam her dûy em wilatane le rêjîmî êstay Iranewe nizîkin u Iran ewan be hawpeymanî xoyan dezanê. Em babete çonawçon lêk dedenewe?
Wilam: Wek le peyrew u bernamey Yekêtî Nîştmanî da hatûwe, ême hawrêyetî û hawkarî gelanî pêşkewtinxwaz û şorişgêrî cîhanî 'Ereb be yekêk le erkekanî xoman dezanîn u bem pêyeş dostayetîman legel zorêk le hêze dije empiryalîstî û hêze şorişgêrekanî dinyay 'Ereb da heye. Ême endamî Meclîsî Gelanî 'Erebîn ke birîtîye le 128 rêkxirawî şorişgêr û dêmokratîk. Belam dostî ême û Lîbî u Sûrya hîçkat le serbexoyî êmeda karîger nebûwe. Ême le pirensîpî piştbestin be hêzekanî xoman le biryardan da piştîwanî dekeyn u bem pêyeş rêkewtûwe ke dijî hawrêkanman bikewînewe. Rêgem biden çend nimûne bihênmewe
*Katêk Sûrîyekan deyanwîst legel Iraq yek bigrin û bibne hawpeymanî Hîzbî Be'sî Iraq, ême berdewam bûyn le şer dijî rêjîmî Iraq û biçûktirîn alugorman le siyasetekanman da nekird
*Sûrya û Lîbya rêjîmî Iran be rêjîmêkî şorişgêrî dij be empiryalsitî Emrîka u zayonîzm dezanin. Be pêçewaney ême ke ew rêjîme be rec'î, naşorişgêr (dije Înqilab)êk dezanîn ke jêrawjêr hawkarî zayonîzm dekat. Eme ciyawazîyekî biçûk niye.
*Ya nimûneyekî dîke: Le katî hêriş bo ser Lubnan û serheldanî kêşe le nêwan Felestîn u Sûrya, ême legel Felestînyekan bûyn. Ême hîç kat boçunekanman le dostanî Sûrî u Lîbyayî neşardotewe.
Pirsyar: Le hawînî salî 82da le Wirmê rêjîmî Xumeynî sitadî 'emeliyatî hemzey seydulşuheday damezrand u wek bînîman erteş, supay pasdaran, besîc û caşekanî rêjîmî îslamî le çend lawe hêrişyan kirde ser Kurdistan û lem hêrişe çend layene u seraserîyeda rêjîmî îslamî hemû tuwana 'eskerîyekanî xoy xiste ger: Firoke, hêlîkoptêr, tank, top û bombî fusfurî u htd. Êwe lem hêrşeda leser daway hêze şorişgêrekanî Kurdistanî Iran ke be şêwey çekdarî beramber ew hêrişe dirindaneye bergirîyan le xoyan kird, beşdar bûn û piştîwanîtan lê kirdin. Dekrê basî hoyekanî beşdarîtan lew şere da biken?
Wilam: Bo wilamî em pirsyare pêwîste kemêk bigerêynewe bo duwawe. Hawkarî ême legel şorişgêranî Iranî (Kurd û xeyrî Kurd), mêjûyekî dirêjî heye. Ême le heman seretay damezrandinî Yekêtî Nîştmanî le salî 75 da pêwendîman legel hêzî şorişgêrî wek Hîzbî Dêmokratî Kurdistanî Iran, rêkxirawey Komeley Şorişgêrî Zehmetkêşanî Kurdistanî Iran, Sazmanî Inqîlabî Hîzbî Tûde, Çirîkî Fîdayî Xelq, Berey Neteweyî Iran hebûwe û piştîwanî xebatyan dijî rêjîmî şa bûyn. Ême tenanet legel xudî Xumeynî u layengirekanî pêwendîman hebû û hewilman da yarmetîşyan bideyn. Le heman seretay dagîrsanî bizûtnewey komelanî xelkî Iran dijî şa, ême helwêstî xoman be raşikawî rageyand u piştîwanîman kird.
Dirêjey heye...
parvê bike
Nûçeyên ku dikare bala we bikşîne
