Behra binê qeşayê

Pêncşem 20 Çile 2022 - 22:24

Li gorî daneyên nû, lêkoler difikirin ku di bin qalikê hişk ê heyva Saturnê ya piçûk Mîmasê ya qeşayî de behreke mezin a avî hebe.

Li gorî daneyên nû, lêkoler difikirin ku di bin qalikê hişk ê heyva Saturnê ya piçûk Mîmasê ya qeşayî de behreke mezin a avî hebe.

Li gorî lêkolîneke nû ya kovara Icarus pêr weşandî, lêkoleran daneyên maşîna NASA´yê Cassini berê şandibûn analîz kirine. Cassini niha naxebite. Li gorî encamên analîzê divê di bin qalikê hişk ê Mîmasl de behreke avî heye. 

Cassiniyê di rojên xwe yên dawî de di ger û rêgera Mîmasê de hin hevnegirtin tesbîtkiribûn. Lêkoler jî dibêjin ev tenê bi gewdeyeke jeolojîk çalak a ku destûrê dide behreke avî mumkin e. 

Ser rûyê Mîmasê bi qasî mirov bixapîne hişk e û li serê şopa derbên meteorîtan hene. Lê lêkoleran hesabên xwe kirin û ji bo lihevnekirina rêgera heyvê li dora xwe, li dora Saturnê û li dora rojê, tenê sedemeke maqûl dîtin: Divê okyanûseke bineerd hebe. Li ser okyanûs avî li gorî hesaban 24 ta 31 kîlometroyan qeşa yanî qalikekî hişk heye. 

Sala 2014´an jî lêkolîneke din gihiştibû wê encamê ku yan divê di bin qalikê hişk ê Mîmasê de behreke avî hebe yan jî di bin qeşaya heyvê de sîsikeke hişk a "weke gokeke rugbyê" hebe.

Axir heke lêkoler rast dibêjin, êdî di nava sîstema dinyaya me de deverên mirov karin lê bijîn, zêdetir dibin.

NAVENDA NÛÇEYAN

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.