Bi dirûşma ′Bi çanda xwe em ê azadiya fîzîkî ya Rêber Apo pêk bînin′ Navenda Çand û Hunerê ya Baqî Xido û Tevgera Hîlala Zêrîn a Herêma Firatê komxebatek li dar xist. Di komxebatê de mijarên jin, çand, li ser rêbertî, etîk û estetîkê hatin nîqaşkirin. Komxebat li hola meclisa herêma Firatê hate organîzekirin.
Piştre endama rêveber a Tevgera Hîlala Zêrîn Fatme Xelîl axivî û got: "Divê em xwedî li Rêber Apo derkevin ji ber ku Rêber Apo maf daye jinê. Di dirêjahiya dîrokê de jin xwedî li çanda xwe derket, bi lorîkan ta roja me ya îro berdewam kir. Jin di dirêjahiya dîrokê de xwedî li çanda xwe ya kevin derket û ew ta roja me ya îro parast."
Fatme di dewama axaftina xwe de behsa hunermendên Kurd ên mohra xwe li dîrokê daye yên weke Eyşeşan, Meryemxan û Mizgîn û Delîla kir û got: "Jina Kurd her xwedî li çanda xwe derketin; bi rêya stranên xwe çanda xwe ta roja îro derket û parast. Divê em xwedî li çand û Rêberê xwe derkevin."
Di komxebatê de hevseroka Desteya Aborî ya Herêma Firatê Firyaz Berkel jî li ser etîk û estetîkê axivî û got: "Rêber Apo jî dibêje exlaq jî siyasetek e, gelo bêyî exlaqê dê civak çawa ava bibe, bêyî exlaq civak tune ye. Ji ber vê exlaq bi xwe xweşikiya civakê ye. Xweşikî ne lixwekirina cilûbergên xweşik e, xweşikiya rastîn xweşikiya mejî ye."
Komxebat bi nîqaşan bi dawî bû.
ANHA/KOBANÊ
