Li Bexdayê bi amadebûna Serokkomarê Iraqê Letîf Reşîd û kesayetên Kurd û Ereb, Navenda Rewşenbîrî ya Kurdî-Erebî hate vekirin.
Ofîsa serokkomariya Iraqê di daxuyaniyek de ragihand ku îro li Bexdayê bi amadebûna Serokkomar Letîf Reşîd, Wezîrê Rewşenbîrî yê Iraqê Ehmed Fekak Bedranî, Wezîrê Jîngehê Helo Eskerî, her wiha rewşenbîrên Bexda û Herêma Kurdistanê, Navenda Rewşenbîrî ya Kurdî-Erebî hat vekirin.
Hat diyarkirin ku vekirina vê navendê ji bo xurtkirina peywendiyên çandî yên di navbera netewa Kurd û Ereb de wê xwedî giringiyek zêde be.
Di daxuyaniyê de hatiye gotin ku wê li vê navendê rewşenbîrên Kurd û Ereb ji bo pêşxistina hemahengiya fikrî û rewşenbîrî, her wiha ji bo xurtkirina peywendiyên civakek demokratîk bixebitin.
ROJNEWS/BEXDA
parvê bike
Nûçeyên ku dikare bala we bikşîne
