Xweşikbûna xwezaya Balakeyetî û bi taybetî Gola Fêlaw wisa kiriye ku hejmarek zêde ya geştiyaran berê xwe bidin Gola Fêlaw.
Lê ji ber xirabiya rê û nebûna xizmetguzariyan, geştiyar ji bo bigihin Gola Fêlaw neçar dimînin di rêyeke zehmet û nexweş re biçin.
Ferîq Mihemed yek ji wan geştiyaran e ku ji ber xweşikbûna Gola Fêlaw ev sala duyem e diçe golê. Ew dibêje, “Dîmenek gelek ciwan û balkêş heye. Lê xirabiya rê û nebûna xizmetguzariyan a li vê derê, zehmetiyên mezin ji geştiyarên re çêdikin.”
Ferîq Mihemed daxwaz ji hikûmetê û aliyên peywendîdar kir da ku xizmetguzariyên pêwîst ji bo deverê bikin û rêya Gola Fêlaw çêkin.
Divê geştiyar vir qirêj nekin
Mihemed Nûrî jî ji Kerkûkê çûye serdana Gola Fêlaw. Mihemed Nûrî jî gazinan xirabûn û nexweşbûna rê dike û dibêje, geştiyar bi wesayîtên nizm nikarin bigihin nêzî golê. Mihemed Nûrî wekî din ji geştiyaran xwest, xwezaya deverê biparêzin û derdorê qirêj nekin.
Gola Fêlaw 10 kîlometre dûrî Binarê Çiyayê Sêkêl ê li nava sinorên gundê Bindayzan ê ser bi Çomanê ye. Her wiha 160 kîlometreyan dûrî parêzgeha Hewlêrê ye. Berfa ku timî li çiyayê Sêkêl dibare jî reng dide golê.
NAVENDA NÛÇEYAN
