Cezayê Werîşe Muradî hat betalkirin

Cezayê darvekirinê yê Werîşe Muradî, girtiya siyasî ya Kurd a ji herêma Sine (Sine) û endama Komeleya Jinên Azad ên Kurdistanê (KJAR), hatiye betalkirin. Ew li Zindana Evînê tê girtin û doz ji bo nirxandineke nû ji dozgeriyê re hatiye şandin.

Li gorî agahiyên ku Rêxistina Mafên Mirovan a Hengaw wergirtiye, Şaxa 9'emîn a Dadgeha Bilind vê dawiyê ji ber lêkolînên nebaş cezayê darvekirinê yê Werîşe Muradî betal kiriye. Doz ji bo ji nû ve nirxandinê ji Şaxa 15'emîn a Dadgeha Tehranê re hatiye şandin.

Parêzerê Werîşe Mûradî, Mistefa Nîlî got; “Dadgeha Bilind a Îranê piştî lêkolîna li ser dosyaya muwekîla min kir, Şaxa 10’emîn ya Dadgeha Şoreşê ya Îranê, cezayê darvekirinê ku li muwekîla min hatibû birîn, rakir."

NAVENDA NÛÇEYAN