Bêhtirî 20 koçberan kuştine

În 29 Tîrmeh 2022 - 22:42

  • Desthilatdariya Belarûsê ti tedbîr ji bo çûyîna 2 hezar û 500 koçberên ber bi sînorê Lehistanê ve nestendiye.

Ji Komîseriya Bilind a Penaberan a Neteweyên Yekbûyî (UNESCO), Philippe Gonzalez Morales ragihand ku zêdetirî 20 koçberan ji ber tundî û binpêkirinên li ser sînorê Lehistan û Belarûsê jiyana xwe ji dest dane.

Philippe Gonzalez Morales da zanîn ku nobetdarên Lehistanê li dijî koçberên ku ji sînor derbas dibin, ava bi şid bi kar anîn û got: “Li daristanên di navbera sînorê Lehistan û Belarûsê de 20 koçberan jiyana xwe ji dest daye.

Desthilatdariya Belarûsê ti tedbîr ji bo çûyîna 2 hezar û 500 koçberên ber bi sînorê Lehistanê ve nestendiye.”

Di sala 2021’an de bi hezaran koçber ku pirraniya wan ji Başûrê Kurdistanê bûn, xwestin ji sînorê Belarûs û Lehistanê derbasî Ewropayê bibin. Di navbera her du welatan de krîzeke mirovî çêbûbû û piştre beşek ji wan koçberan jî vegerandibûn Başûrê Kurdistanê. 

NAVENDA NÛÇEYAN

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.