Li peravên Girava Lesbosê ya li Derya Egeyê, keştiyeke koçber tê de bûn, noqî avê bû. Li gorî agahiyan, 4 penaber di bûyerê de mirine û 18 penaber jî hatine rizgarkirin.
Ewlekariya Peravan a Yewnanistanê ragihand ku li peravên Lesbosê, ew bi hawara botekê ve çûne û ji ber ku bot noqî avê bûye, wan ji 22 kesên tê de 18 kes rizgar kirine, lê 4 kes jî di bûyerê de mirine.
Di daxuyaniya çapemeniyê de hate gotin, koçberên hatin rizgarkirin, birine bendergeha Lesbosê.
Rayedaran li ser sedema noqbûna botê û agahiyên têkildarî nasnameya kesên di keştiyê de bûn daxuyaniyek nedan.
Li Derya Egeyê Hezîranê bihurî keştiyeke ku tê de 750 koçber hebûn û ji Lîbyayê berê xwe dabû Îtalyayê, li peravên başûrrojavayê Yewnanistanê noqî avê bûbû. Qederê sed kesî hatibûn rizgarkirin, lê belê ji sedan cenazeyan tenê yên 82 kesan hatibûn dîtin.
NAVENDA NÛÇEYAN
