Piştgiriya ji bo Colanî şerm e

Endamê Parlamentoya Eyaleta Viyanayê ya Awustiryayê Heidemarie Sequenz diyar kir ku bêdengiya Ewropayê li hemberî êrişan û piştgiriya darayî ya ji Şara re hatî dayîn cihê şermê ye û got ku texmîna ku hevkariya bi Colanî re dê vegera penaberên Sûriyeyê hêsan bike bêwate ye.

Di encama êrişên HTŞ, DAIŞ û komên paramîlîter ên ku ji aliyê Tirkiyeyê ve tên piştgirîkirin li ser Rojavayê, bajarê Kobanê hat dorpêçkirin. Ji ber şert û mercên ku ji aliyê çeteyên ku xetên elektrîk û avê yên bajêr qut kirine ve hatine afirandin, 6 zarok ji sermayê mirin. Banga seferberiyê ya ji Rojavayê li seranserê cîhanê, bi taybetî li her çar parçeyên Kurdistanê, deng veda. Kurd û hevalbendên wan li gelek welatan meş û çalakiyên protestoyî li dar dixin. Di heman demê de, "Karavana Gel" ku ji aliyê tora kolektîfên şoreşger "RiseUp4Rojava" (Ji Bo Rojavayê Rabin Ser Pêyan) ve ji bo hevgirtina bi Şoreşa Rojavayê re hatiye organîzekirin, bi beşdarên ji Ewropayê rêwîtiya xwe ya ber bi Rojavayê ve didomîne.

Endamê Meclisa Parêzgeha Viyanayê û Partiya Keskan a li Danîmarkayê Heidemarie Sequenz ku di Nîsana 2025'an de serdana herêmê kir, geşedan nirxand.

Heidemarie Sequenz diyar kir ku ew di Nîsana 2025'an de li Rojavayê bûye û got ku divê Rojava ji bo tevahiya herêmê li dijî komên faşîst, cîhadîst û dijminên jinan bibe modelek. Heidemarie Sequenz bilêv kir ku cihê şermê ye ku piştgiriya darayî ya 620 mîlyon euroyî ya ku ji Şara re hatiye dayîn û got: "Ev pere bi êrişên li ser taxên Kurdan ên li Helebê re bi tevahî hatibû hevrêzkirin. Ev bi bandor vexwendinek ji bo kuştinê bû. Di destpêka Kanûna 2024'an de, bi bicihkirina Colanî, armanc jixwe eşkere bû; qet nebe ji bo her kesê ku dixwest bibîne eşkere bû."

MA / ÎZMÎR / CAN KIRBAŞ