Pîroglu: Ma do turê dîyinî de ser bikewê

Parlamenterê HDPyî yê Stenbolî Musa Pîrogluyî derheqê turê dîyinî yê weçînayîşê serekkomarîyî yê 28ê gulane de ANFyî rê ercnayîşî kerdî.

Parlamenterê HDPyî yê Stenbolî Musa Pîrogluyî ard ziwan ke ê do turê diyinî de ser bikewê û wina vat: “Peynîya peynî de Erdogan do bin bikewo, ma zî do ser bikewê.”

Pîrogluyî pare kerd ke Erdogan rixmê hîle, dek û dolaban turê yewinî de ser nêkewt û vat: “Ma turê yewinî de nêverda ke Erdogan ser bikewo. Aseno ke turê yewinî de ma o bin visto, rixmê pêro hîle, dek û dolaban û kayan zî Erdogan bin kewt. Ma verê cû zanayêne ke Erdoganî bi eşkerayîyêke vatêne turê diyinî de do binkewtişê xo qebul bikero. Nika seba turê diyinî amadekarîye keno la o bêhêvî bîyo, moralê ci nêmendo. Ma do nê turê diyinî de ser bikewê. Nê îqtîdarî û îqtîdaranê ser ney de bi desan reyî têrî ameyî. Peynîya peynî de Erdogan do bin bikewo, ma zî do ser bikewê.”

XWEBÛN