Li Rojava kelecana Newrozê

Li Bakur û Rojhilatê Sûriyeyê û Helebê amadekariyên Newroza 2025’an ku îsal bi dirûşma “Azadiya fîzîkî ya Rêber Abdullah Ocalan garantiya Sûriyeya demokratîk e” bi berfirehî didomin.

Li Bakur û Rojhilatê Sûriyeyê û bajarê Helebê wê li 12 meydanan pîrozbahiyên Newrozê bên lidarxistin.

Kantona Cizîrê

Hesekê: Qada Newrozê ya li Bendava Rojava

Qamişlo: Qada Newrozê ya li gundê Hîmo

Dêrik: Qada Şehîd Çîçek

Tirbespiyê: Qada Dirêçîk

Girkê Legê: Gundê Helîq. Şêniyên Çilaxa, Girkê Legê û Rimêlan beşdar dibin.

Amûdê: Gundê Çaxir Bazar

Dirbêsiyê: Gundê Çolbistan.

Kantona Firatê

Rêveberiya Xweseriya Demokratîk a Kantona Firatê ji ber komkujiya ku di 16’ê Adarê de ji aliyê dagirkeriya Tirk ve li gundewarên Kobanê pêk hat û di encamê de 9 kes şehîd bûn, piraniya pîrozbahiyên Newrozê betal kirin.

Li bajarê Eyn Îsa 19’ê Adarê.

21’ê Adarê li Girkê Meştenûr ê Kobanê.

Kantona Reqayê

Cejna Newrozê bi beşdariya hemû pêkhateyên kantonê di 21’ê Adarê de li bajarê Reqayê li stadyuma şaredariyê tê lidarxistin.

Kantona Tebqayê

Li kantona Tebqayê, pîrozbahiya Newrozê li stadyuma li navenda bajarê Tebqayê di 21’ê Adarê de tê lidarxistin.

Heleb

Di 21’ê Adarê de li Helebê, li Qada Newrozê ya li herêma Şeqîf a taxa Şêxmeqsûd şahiyek tê lidarxistin.

Komîteyên amadekar ên pîrozbahiyên Newrozê bang li şêniyan kir ku bi coş beşdarî pîrozbahiyan bibin.

Werin em agirê Newrozê geş bikin

Newroza 2025’an di bin dirûşma “Azadiya Fizîkî ya Rêber Apo, Misogeriya Civaka Demokratîk e” li Kantona Cizîrê li 7 navendan wê bê pîrozkirin, Endama Komîteya Amadekar a Pîrozbahiyên Newrozê û Hevseroka PYD’ê ya Kantona Cizîrê Eyhan Murad ji ANHA`yê re axivî. Eyhan Murad bal kişand ser banga dîrokî `Aştî û Civaka Demokratîk`a ku Rêber APO û got:“Îsal cudahî heye, em ê vê Newrozê bi peyam û banga Rêber Abdullah Ocalan pîroz bikin. Newroza 2025’an wê bibê Newroza azadiya fîzîkî ya Rêber Abdullah Ocalan. Bi pêkanîna azadiya fizîkî ya Rêber Apo wê pirsgirêka Rojhilata Navîn û Cîhanê tevahî bê çareserkirin. Kilîta çareseriyê Îmralî ye.”

ANHA