Em ê pêşengiyê ji pêvajoyê re bikin

KCDK-E û TJK-E li Brûkselê li pêş parlementoya Ewrûpayê derbarê banga Rêber APO ya dîrokî, daxuyaniyeke girseyî dan. Di daxuyaniya hevpar de wiha tê gotin:’’Banga Rêber APO di nava, bi milyonan Kurdên ku li Ewropa dijîn de kêfxweşî û kelecanek mezind afirand. Birêz Ocalan, beriya ku biryara îlankirina banga Civaka Demokratîk û Aşitiyê ya di 27 ê Sibatê de bide, ji me, KCDK-E yê re nameyek şandibû û di derheqê pêşniyaran de nêrînên me girtibûn. Weke KCDK-E û TJK -E yê, ji bo nêzîkatiya  em spasdariyên xwe radighînin. Ji ber vê sedemê, di sepandina manîfestoya Aşitî û Civaka Demokratîk a ku di 27 ê Sibatê de hate îlankirin, em xwe berpirsiyar dibînin û ji bo ku demokrasî û aşitî bê misogerkirin, bi hemû hêza xwe, weke rêxistinên Civaka Kurd ên li Ewropa, em beyan dikin ku em ê têkoşînê hê jî bilindtir bikin. Weke tevgera jinên Kurd ên li Ewropa, di avakirina demokrasî û aştiyê de, em dizanin ku em, hêza herî diyarker in. Em dizanin ku di pêvajoya nû de, hêza sereke ya demokrasî û aştiyê, wê jin be û li gorî vê yekê, em eşkere dikin ku, ji bo pêkanîna aşitiyê, bi hemû hêza xwe, em ê seferber bin. Em, ne yekane qurbaniyên şer û pevçûnan in, 30 sal e, me destnîşan kir ku li Kurdistanê em alternatîfa çareseriyê ne jî. Bi azadiya jinê, bi têkoşîna xwe ya Apoyî ya 50 saliya dawî de, di civakê de, di siyasetê de me demokrasî hûnand. Îro jî, em ê, bi xwiçkên xwe yên ji gelên din bi hev re, vê yekê berfireh bikin û em ê li wan welatan jî avakirina demokrasî aşitiyê xwe re hedef bigrin, 

Ji bo demokratîzekirina Tirkiyeyê 

Qet guman nîne ku ev banga birêz Ocalan, bi aşitiya Tirk û Kurdan, rasterast demokratîzekirina Tirkiyê pêşbîn dike. Bê guman tenê Tirkiyeke demokratîk dê bi herkesî bide qezenckirin. Jixwe di vê pêngava ku birêz Ocalan afitî de destkevtiyên her kesî hene. Lê belê, perpirsiyarî û rîska herî mezin dîsa girtiye ser xwe. Em biryara agirbesta yekalî ya 9 emîn a ku PKK’ê, wekî berpirsiyariyek pir mezin ku girtiye ser xwe dibînin. 

Pêvajo YE’yê yekser eleqeder dike

Lê çiqas ku serkeftina vê pêvajoyê, di serî de Kurdan û Tirkiyê eleqeder bike jî, bi taybetî Yekitiya Ewropa rasterast eleqeder dike. Lewma di lûtkeya YE ya 1999 an a li Helsînkiyê de, birêz Ocalan û PKK ê, hêvî kiribûn ku bi alîkariya YE wê demokratîk bibe, piştgirî dabûn namzetbûna Tirkiyê. Ji ber ku, ji destpêka muzakereyên endamtiya YE û vir ve, Tirkiyê şert û mercên Kopenhagê bi cîh neanîn, bi mebesta ku tim hate rexnekirin jî, êdî keyseke dîrokî, ku rê li ber geşedanên nû û erênî veke heye. Herwiha di vê pêvajoyê de, YE yê jî dê piştgiriyê bide banga birêz Ocalan da ku di têkiliyên di navbera Tirkiyê û YE yê de encamek erênî bi derkeve holê. Herwiha Almanya, Fransa û hwd welatên YE bersîvên erênî dan banga birêz Ocalan. Ji ber vê yekê bangawaziya me li YE yê ye ku nêzîkatiyên demokratîk bi pêşxe, bi lez qedexeyên li ser PKK ê rake û dawiyê li polîtîkayên xwe yê krîmînalîzekirina kurdan bîne. Di vê çarçoveyê de, em qîmetê didin nirxandinên erînê yên desthilatdariya federal a Elmanya, Brîtanya, NY, DYA û yên din. Dîsa em li vê derê diyar dikin ku palpiştî û piştevaniya rêxistinên medenî yên civakî û partiyên çepgir û pêşverû yên Ewropa hêz dane me. Em dibêjin êdî bi van dostên me re jî, ji bo aşitiyê dema hevkariyê ye. Vê carê êdî ne li hember şer, divê ji bo aşitiyê em bimeşin. Jixwe pêvajoya kampanya “ Ji Abdulah Ocalan re Azadî, ji Pirsgirêka Kurd re Çareserî” ya ku dostên me di 10ê Cotmeha 2023 yan de îlan kirin, bu alîkariyên giranbuha. Niha jî, ji bo pêkhatina aşitiyê, bi dostên xwe re, dema misogerkirina azadiya Abdulah Ocalan e. Ji bo azadiya birêz Ocalan ê ku di pêkanîna aşitiyê de, ji bo aşitiyê hemû bar û berpirsiyarî hilda ser xwe, ji bo ku mafê hêviyê yê ku dewletên endamê YE, Komîteya Wezîrên Konseya Ewropa ku di 16 Îlona 2024 an de biryar girtibûn pêk were, em daxwaz dikin ku bi gavên teşwîqkirinê piştgiriyê bidin Hikûmeta Tirkiyê. 

NAVENDA NÛÇEYAN