Mem û Zîna Ehmedê Xanî ji mêj li gelek zimanan hatiye wergerandin. Yek ji wergerên kitêbê yên herî balkêş wergera ber bi zimanê Suryanî ve ye. Li gorî qeydiya li Kitêbxaneya Bajêr a Berlînê, nusxeya li ber destê wê ya Memû Zîna bi Suryanî (Mem we Zîn/Mam wa-Zîn) destxeta bi Suryanî ya li ber destê wan sala 1885’an hatiye nivîsandin. Wergera pêşî ya ber bi Suryanî ve kengê û kê kiriye, niha nayê zanîn. Lê em dizanin ku nusxeyên wergerekê sala 1885’an peyda dibûn. Ev nusxe li ser malpera Kitêbxaneya Bajêr a Berlînê di nava berhemên dîjîtalkirî de peyda dibe. Koda qeydiya nusxeya destxetê Sachau 344 e. Destxet ji 113 rûpelan pêk tê.
BERLÎN