‘Zalava’ li Venedekî xelat girt

Nûçeyên Çand/Huner

Duşem 13 Îlon 2021 - 03:08

Festîvala Filman a Navneteweyî ya Venedîkê a 78’an îsal di navbera 1 û 11 Îlonê de hat lidarxistin. Roja dawiyê piştî merasîmekê, sînemavan û filmên tevlî festîvalê bûn hatin xelatkirin.

Di festîvala îsal de filma “Happening” ya Audrey Diwanê xelata herî baş “Şêrê Zêrîn” wergirt. Her wiha filma “Zalava” yê derhênerê Kurd, Erselan Emirî jî xelata mezin a “Hefteya Rexnegirên Filman a Navneteweyî” û xelata “FIPRESCI” wergirtin. Erselan Emirî ji Rojhilatê Kurdistanê ye. 

Festîvala Venedîkê îsal bi filma “Madres Parales” ya derhêner Pedro Almodovar dest pê kiribû û di festîvalê de filmên bi navê “Spencer” (Pablo Larrain), “The Power of the Dog” (Jane Campion), “Last Night in Soho” (Edgar Wright), “The Lost Daughter” (Maggie Gylenhaal) û “The Last Duel” (Ridley Scoot) jî cara yekem derketin pêşberî sînemahezan û hatin temaşekirin.
Xelatên Festîvala Filman a Navneteweyî ya Venedîkê a 78’an wiha ne;
Xelata Şêrê Zêrîn: Happening / Audrey Diwan
Xelata Mezin a Juriyê: The Hand of God / Paolo Sorrentino
Derhênerê Baştirîn: The Power of the Dog / Jane Campion
Lîstikvana Baştirîn: Penélope Cruz / Parallel Mothers
Lîstikvanê Baştirîn: John Arcilla / On the Job: The Missing 8
Senaryoya Baştirîn: Maggie Gyllenhaal / The Lost Daughter
Xelata Taybet a Juriyê: Il buco / Michelangelo Frammartino
Lîstikvanê Ciwan ê Baştirîn: Filippo Scotti / The Hand of God
Xelata Mezin a Hefteya Rexnegirên Fîlman a Navneteweyî (36’an): Erselan Emirî / Zalava
Xelata Navneteweyî ya FIPRESCI: Erselan Emirî / Zalava

NAVENDA NÛÇEYAN

parvê bike

   

Yeni Özgür Politika

© Copyright 2024 Yeni Özgür Politika | Mafên belavkirinê parastî ne.