Peymana hikûmeta Elman hat ragihandin

Çarşem 24 Mijdar 2021 - 23:46

  • Li Elmanyayê peymana ku SPD, Partiya Keskan, partiya lîberal FDP’ê ji bo ku hikûmetê ava bikin danîne, ragihand. 
    Hikûmeta koalîsyonê şûna hikûmeta koalîsyona SPD û CDU/CSU´yê bigire.

Li Elmanyayê peymana ku SPD, Partiya Keskan, partiya lîberal FDP’ê ji bo ku hikûmetê ava bikin danîne, ragihand. 
Hikûmeta koalîsyonê şûna hikûmeta koalîsyona SPD û CDU/CSU´yê bigire.

Muzakereyan her sê partiyan ev sê hefte ne dewam dikirin. Di hilbijartina 26’ê Îlonê de SPD bûbû partiya herî xurt.

Ev peymana sê partiyan dike ku ji SPD´ê Olaf Scholz Kanûnê bibe serokwezîrê Elmanyayê.

Di peymana koalîsyonê de hatiye bicihkirin ku salê wê 400 hezar dayrê bên avakirin û 100 hezar ji van wê bi teşwîqa dewletê bên avakirin. 

Di heman demê de di peymanê de dinivîse ku Elmanya wê heta 2045´an “di warê avhewayê de noytral” bibe. 

Li gorî peymanê wê wê mafê hilbijarinê ji 16 salî û pê ve jî çêbibe. 

Wekî din mijarên weke “Ewlekirina bingehîn a zarokan” ku wê alîkariyên heta niha yên ji bo zarokan bîne cem hev û bigihîne zarokan tê plankirin. Pê re jî wê mafên zarokan di Destûra Bingehîn de werin bicihkirin. 

Ji bo lêkolîn û bipêşxistinê jî wê ji sedî 3.5´ê hilberîna nesafî ya welêt were bikaranîn.

Herçî mûçeyên teqawîtkiriyan in, koalîsyon dixwaze bi dezgehekê teqawîtbûna bi hiseyan bide destpêkirin. Partiyan li hev kiriye ku mûçeyê teqawîtbûnê biparêzin û ji mûçe kîm nekirin û temenê teqawîtbûnê bilindtir nekin.

BERLÎN

parvê bike

   

Yeni Özgür Politika

© Copyright 2021 Yeni Özgür Politika | Mafên belavkirinê parastî ne.