Nameyên girtiyan sansûr kirin

Îslam Erdogan û Feyaz Tahsûk ê di Girtîgeha Tîpa S a Antalyayê de, name ji CPT û DMME'yê re şandin. Lê girtîgehê hin beşên nameya wan jê birine. 

Nameyên girtiyan Îslam Erdogan û Feyaz Tahsûk ên li Girtîgeha Girtî ya Tîpa S a Antalyayê, ku ji Komîteya Pêşîgirtina li Îşkenceyê ya Ewropayê (CPT) û Dadgeha Mafên Mirovan a Ewropayê (DMME) re şandibûn, piraniya wan ji aliyê rêveberiya girtîgehê ve hatine sansurkirin.

Ji girtiyan Feyaz Tahsük nameyek ji 4 rûpelan pêkhati ji DMME'yê re nivîsand û bal bire ser rabirdûya dîrokî ya polîtîkayên zext, tundî, sirgûn, sansur, komkujî û asîmîlasyonê yên li ser gelê Kurd. 

Beşê têkilî Kurdan sansûr kirine

Tahsûk anî ziman ku di rûpelên 1'emîn û 2'yemîn ên nameyê de beşên hemû mafên mirovan û demokratîk ên gelê Kurd hatine tepisandin û Komkujiyên Agirî, Dêrsim û Zîlanê wekî mînak nîşan da. Tahsûk di nameya xwe de diyar kir ku dewleta Komara Tirkiyeyê û hikûmetên wê her tim li hemberî Kurdan polîtîkaya qirkirinê dimeşînin û her wiha îşaret bi mafan kir ku di Peymana Sewrê de dane Kurdan û piştre hatine rakirin.

Diyar bû ku rûpela sêyemîn a nameya Tehsûk ku li ser pêvajoyên dîrokî yên kurdan rawestiyaye, bi temamî hatiye jêbirin û nîvê rûpela çaremîn jî hatiye jêbirin û sansurkirin. Nîvê rûpela çaremîn a Tehsûk ku rûpela dawî ye, bal kişandiye ser geşedanên heyî yên der barê pirsgirêka Kurd de . Tehsû wiha gotibû:  “Li cîhanê atmosfera aştî û aloziyê pêş ve diçe, maf û azadiyên bingehîn berbelav dibûn û civakên modern û neteweyên wan li ser bingehên mayînde bi pêş ve diçin, lê neçareserkirina pirsa Kurd her roj bêtir dibe sedema mafên mirovan." 

Tevahiya rûpelê sansur kirine

Tevahiya rûpela paşîn û nîvê rûpela pêşî ya nameya Îslam Erdogan ku ji CPT re nivîsandibû hatıye jêbirin û sansurkirin. Di nameya Erdogan de rastiya şer a li cîhanê û Rojhilata Navîn cih girtiye.

CPT ku demek berê serdana hin girtîgehên Tirkiyeyê kir, serdana Girtîgeha Tîpa S ya Antalyayê jî kiribû.

MA/STENBOL