Konservatuara Aramê Tîgran bi salan di bin banê Şaredariya Bajarê Mezin a Amedê de kar kir, lê piştî kayûm hat, kayûmê ev der girt. Niha Şaredarî carek din vedike.
Şaredariya Bajarê Mezin a Amedê, xebatên xwe yên çandî didomîne. Serokatiya Daîreya Çand û Karên Civakî, Konservatuara Aram Tîgran ku di sala 2010'an de hatibû damezrandin lê di sermaweza 2016’an de ji aliyê qeyûm ve hatibû girtin, piştî 9 salan li Navenda Çand û Kongreyê ya Çand Amedê ji nû ve vedike.
Li konservatuarê, perwerde dê di beşên şano, muzîk, muzîka zarokan, wêje, resm û sînemayê de were dayîn û zimanê perwerdeyê kurdî ye.
Yên bixwazin dikarin di navbera 1'ê rezberê heta 12'ê kewçêrê serîlêdana xwe bikin. Kesên li derveyî bajêr bin jî dikarin bi rêya telefonê serîlêdanê bikin (0412 502 90 18)
Şertên Serlêdanê e
Mercên serîlêdanê yên ji bo beşan wiha ne:
- Şano: Temen 20-30 sal, perwerde 2 sal.
- Muzîk: Temen 17-25 sal, perwerde 4 sal.
- Muzîka Zarokan: Temen 7-12 sal, perwerde 6 sal.
- Wêje: Temen 18-32 sal, perwerde 2 sal.
- Resim: Temen 17-30 sal, perwerde 2 sal.
- Sînema: Temen 18-30 sal, perwerde 2 sal.
Piştî serîlêdanan ezmûn çêdibe, kêsen di warê hunerî de serketî bin lê bi kurdî nizanibin dê salek perwerdehiya bi kurdî bibinin. Di navbera 15-19'ê kewçerê de wê atolyeya ezmûnê (neqandinê) li dar bikevin û 20'ê kewçêrê encam wê bêne eşkerekirin. Perwerdehî jî wê di navbera 25-27'ê kewçêrê de dest pê bikin.
NAVENDA NÛÇEYAN
parvê bike
Nûçeyên ku dikare bala we bikşîne
