Şaredariya Farqînê ya Navçeya Amedê di çarçoveya pîrozbahiyên 21ê Sibatê Roja Zimanê Zikmakî ya Cîhanê de şahiyek li dar xist. Şahî ango çalakî li Parka Rindêxan hate lidarxistin û gelek welatî tev li şahiyê bûn. Hevşaredarên Farqînê Kadrî Esen û Sevîm Biçîcî, rêveberên DBPê û DEM Partiyê û nûnerên rêxistinên sivîl jî beşdarî şahiyê bûn.
Di şahiyê de Koroya Zarokan a Şaredariya Farqînê û koma erbaneyê derket ser dikê û stranan gotin. Koroya Zarokan stran gotin û beşdaran li wan vegerand. Dîmenên xweşik û rengîn derketin holê.
Hevşaredarên Farqînê di şahiyê de axivîn û diyar kirin ku zimanê zikmakî tenê ne zimanê ragihandinê ye û gotin: “Zimanê zikmakî bîr, bawerî, dewlemendî û nasname ye. Divê em bi her awayî zimanê xwe biparêzin û siberoja zimanê xwe ronî bikin. Em ê bi girîngî xebatên xwe bi zimanê xwe bidomînin.”
AMED
parvê bike
Nûçeyên ku dikare bala we bikşîne
