Koçberên Şengalî li ber biryarê rabûn

Wezareta Koç û Koçberan a Iraqê roja Pêncşema bihurî biryarek da ku kesên ku li kampên penaberan dimînin êdî wekî penaber nayên hesibandin. Li gorî biryarê, ew êdî wekî niştecih û beşek ji xelkê wan deveran tên qebûlkirin ku lê bimînin. Ev biryar di nava gelê Êzidî de rê li ber nerazîbûneke mezin vekir.

Rêveberiya Xweser a Şengalê ev biryar wekî biryareke siyasî û bi tu awayî nayê qebûlkirin bi nav kir. Di nava zextên PDK'ê yên li ser kampan de jî, koçberên Kampa Çem Mişko ya Zaxoyê daketin qadan û biryar şermezar kirin. Koçberan daxwazên xwe bi pankartan anîn ziman û bang li saziyên mafên mirovan kirin ku di zûtirîn demê de destwerdanê bikin. Hêjayî bibîrxistinê ye ku tenê li Kampa Çem Mişko zêdeyî 4 hezar û 300 malbat hene, ku hejmara wan zêdeyî 21 hezar kes e.

NAVENDA NÛÇEYAN