Îrfan Cûdî: Hevalê Sofî mînak bû

• Ji fermandarên HPG’ê Îrfan Cûdî qada fermandarê pêşeng Nûreddîn Sofî kir û got, “Hevalê Sofî li cihê pêwîst rexneyên xwe dikir û li cihê pêwîst rexnedayîna xwe dida. Tiştên ku ez bûme şahid, di civînên me de bi rastî nirxandinên di cih de dikir. ”

Ji fermandarên HPG’ê Îrfan Cûdî qala fermandarê pêşeng ê Tevgera Azadiyê Nûreddîn Sofî kir ku 6’ê Nîsana 2021’ê di encama êrîşa dewleta Tirk de şehîd bû. Nirxandina Îrfan Cûdî bi vî rengî ye:“Wek tê zanîn em di meha Tebaxê de ne. Meha Tebaxê ji bo me mehek taybet e. Gava 15’ê Tebaxa 1984’an di vê mehê de hate avêtin. Bi boneya rojê em gava 15’ê Tebaxê di serî de li Rêber Apo, gelê me yê welatparêz, dostê gelê me, tevahî mirovahiyê û hemû hevalên xwe pîroz dikin. Carek din fermandarê me yê mezin Hevalê Egîd (Mahsum Korkmaz) fermandariya vê gavê kir, di şexsê hevalê Egîd de tevahî şehîdên xwe bi bîr tînin. Carek din îsal 15’ê Tebaxê ji bo me wateyek din çêkir. Nêzîkî vê 15’ê Tebaxê wekî tevahî raya giştî dizane, şehadeta fermandarê me yê hêja hevalê Nûreddîn Sofî hate ragihandin. Her wiha şehadeta fermandarê me yê mezin ê din jî hevalê Koçero hate ragihandin. Em bi vê wesîleyê em girêdabûna xwe ji hemû şehîdên xwe didin diyarkirin û em ê heta dawî girêdayî soza ku me dayî Rêber Apo û şehîdan bimînin. Heta ku em doza wan bi cih neynin, armanc û xeyalên wan pêk neynin em ê nizanibin westandin çi ye. Ji ber ku şehadeta hevalê Sofî Nûreddîn bi vî awayî bê wext çêbû, me xemgîn kir. Di arîfeya 15’ê Tebaxê de îlankirina wî ji bo me xwedî wate ye. Helbet dema ku tê gotin 15’ê Tebaxê, hebûn û tinebûne me, roja destpêkê ya hebûna gelê Kurd wekî gelê însaniyetê em dizanin.

Helbet em Tevgera Apoyî, Tevgera PKK’ê partiya şehîdan in. Em dizanin ku welatê ku em tê de ne, dijminê ku em pê re dijîn, şer dikin cîhanek ji me re hiştiye berxwedan e. Ji bo vana welatekî wisa ku bi rûmet têkoşîn tê kirin, bê berdêl nabe, berdêla vê jî giran dibe. Ji ber vê me berdêlên giran dan. Her şehadeta ku çêdibe û xwedîderketina gelê me di me hemûyan de jî hestekî xurt çêdike û girêdanbûna me ya gel û têkoşînê zêdetir xurt dike. Helbet hevalê Sofî Nûreddîn hevalekî ku nas dikin, herî kêm ne hinek nas kiriye, bi rastî jî vegotina wî hinek zehmet e.

Heval dizanin, hevalê Sofî Nûreddîn di nava gelê me yên Rojava de hatiye dinyayê û mezin bûye. Helbet li ser vê esasê têkoşîna Apoyî taybet Rêber Apo keda ku di nava gelê me yê Rojava de dayî, di encama wê de ewladekî wiha xurt çêbûye. Şexsiyetek xurt ava kiriye, ji têkoşînê bandor bûye û li ser vî esasî xwe berpirsyar dîtiye û beşdarî refên Apoyiyan û têkoşînê bûye. Helbet ew salê ku beşdar dibe salê ku herî zêde têkoşîna gelê Kurd di xeta Apoyiyî û gerîlatiyê de pêş dikeve ne. Ji vana jî êdî di nava malbatê de di nava civakê de yan jî di zanîngehan de di nav ciwanan de bes nabîne. Jixwe mirovek xwe berpirsyar bibîne têr jî nabe. Yek jî, hevalê Sofî li ser vê esasî bandor dibe.

Dibêjin gerîla biçe ku derê divê bi gel re bibe yek û taybetmendiyên wî gelî di xwe de ava bike, hevalê Sofî di vê mijarê de pispor bû. Ez bawer dikim di xeta Zagrosê de, ji gelê me yê li wê xetê her kes heval Sofî nas dike. Bi taybet dema piştî pêvajoya 2000’î li qada navîn ma, gelê me yê Amedê dema ew nas kir pir jê hez kir. Heval Sofî kesekî sempatîk bû. Dema diçû cem îxtiyarekî rûdinişt dizanîbû li gorî dilê wî biaxive. Mesela diçû cem dayikekê dikarîbû li gorî dilê wê dayikê biaxive. Dema diçû cem zarokan jî li gorî dilê wan tevdigeriya. Bi rastî jî di asta komplebûnê de astek bi xwe re çêkiribû.

Hevalê Sofî di xeta leşkerî û gerîla de jî heta astekê xwe pêş xistibû. Di nava gerîlatiya me de her kes di her qadê de xwe pêş dixe. Ji mangayê bigire heta fermandariya tîmê, yekîne, tabûr, eyalet û asta herî jor peywir girt. Hevalê Sofî di van mijaran de gelekî pêşketîbû. Ev mijarana ewqasî rehet nîne. Wî heq kir û hat heta van peywiran. Di van mijaran de bi rasî jî hevalekî mînak bû.

Hevalê Sofî li cihê pêwîst rexneyên xwe dikir û li cihê pêwîst rexnedayîna xwe dida. Tiştên ku ez bûme şahid, di civînên me de bi rastî nirxandinên di cih de dikir. Di her civînê de bi rexnedayîn nêzîkî xwe dibû. Em vana bi Serokatî fer bûn, bi hevalên xwe yên wekî şehîd Sofî fêr bûn. Min qet nedît ku hevalê Sofî pratîka xwe ji xwe re kir sermaye û xwe bes dît. Timî bi rexnedayîn nêzîk dibû. Vesareteke medenî pê re çêbibû û di civînan de xwe berpirsyar didît. Mesela nirxandin dikir, pratîka xwe jî dinirxand û xwe berpirsyar didît. Hemû qad dinirxand, rexneyên xwe di cih de dikir û rexnedayîna xwe dida. Min bi xwe nêzîkatiya ku ji pirsgirêkan bireve, xwe tê de nebîne yan jî hinceta ji xwe re çêbike nedît. Herî kêm em di civînên xwe de nebûn şahid. Bi rastî jî hevalê Sofî mînak bû. Wekî din jî di warê erk û warê xizmetkirinê de yanî ji yekî dûr bikeve, vaye li gorî emrê min, salên min nizanim vî peywirî bikim an nekim, min bi xwe vana bi hevalê Sofî re nedîtin.  Her tim di civînên me de nirxandinên xwe dikir û timî soza pêkanîna erkên xwe dida. Di vê mijarê de jî hevalekî mînak bû. Bi rastî em ji bo hevalê Sofî çi bibêjin kêm e. Bi şehadeta wî û bihîstina şehadeta wî em xemgîn bûn.

ANF/BEHDÎNAN