Îran Bradost û Balekayetî topbaran kirin

Duşem 26 Îlon 2022 - 05:24

Rejîma Îranê careke din, herêmên çiyayî yên herêmên Bradost û Balekayetiyê yên ser bi Hewlêrê, topbaran kirin.

Rejîma Îranê gundên Bin Perêze, Derho, Ketine, Gorasayê, Naw Rûbaran, Seqer û quntara çiyayê Berbizina yên Bradostê topbaran kirin.

Li Balekayetî jî çiyayê Helgurd û qûntara çiyayê Çîxê Derê yên ser bi Çomanê hatin topbarankirin.

Rejîma Îranê ya ku li bajarên Rojhilatê Kurdistanê xwe bi zora tank û topan digire, bi êrişên li dijî Başûrê Kurdistanê vê lawaziya xwe bêhtir nîşan dide. Îranê pêr jî herêma Bradostê topbaran kiribû.

ROJNEWS/HEWLÊR

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.