Şêwekarê Hollandî Johannes Vermeer di jiyana xwe de tenê 37 tablo çêkirine. Dibe ku wî li gorî şêwekarên din kêm tablo li pey xwe hiştibin, lê dîsa jî bi şêwaz û teknîka xwe li pêşiya gelek şêwekaran e. Ji lewma jê re “hostayê ronahiyê” tê gotin. Di warekî de yan jî di şêwazekî de kûrbûn û her wiha şarezabûn zû bi zû nabe qismetê her hunermendî. Lê Johannes Vermeer bi tabloyên xwe nîşan da ku ew hosteyekî tûj e û newasim li ser bikaranîna ronahiyê ya di tabloyan de gelekî hûr bûye.