Înqilabî u Kurdistan(209)
Helsengandinî Sazmanî Inqîlabî û kurdistan
Be geyiştinewem le serubendî salî taze 2021 le Kurdistanewe bo Lenden, paketêkî estûr le postewe hatbû le ser mêzekem bû, kekirdmewe Kitêbêk be nawnîşanî; Sazmanî Inqîlabî û Kurdistan; le wergêran û amadekirdinî hawrêy zor berêz û beuwanam kak Hesenî Qazî bû.
Zor be tameziroyî kirdmewe û be xêrayî çawim pêda xişand û laperekanî nawerok û wênekanim beser kirdewe, pir bûn le babetî serincrakêş û aşna.
Bo min xwêndnewey beserhatî em têkoşerane ke le Hîzbî Tude be hokarî rexneyan le siyasetekanî hîzbekeyan lemer gîrodeyî bo Mosko lêyan ciya bibûnewe u hatbûne ser rêbazî Maotsêtong bo xebatû rizgarî gelanî Iran, herweha agadarî le têkoşanyan legel şorişgêranî salanî 67-68’î Rojhelatî Kurdistan û ewcar têkelawîyan legel mam Celal û hawrêyanî Komeley Marksî Lênînî(Rencidran) le Bekreco û duwatir naw şoriş le serkirdayetî Yekêtî Nîştimanî, bîrhênerewey rojgarêk bû ke çend lem kesayetîyanem katêk wek pêşmergey Komele le Bêjwêy Alnî Serdeşt bûm û be xizmetyan geyiştibûm, çend hênde behez û bepirsyar dekrid.
Kak Hesen be wergêran û amadekirdinî em kitêbe ke beheq bo em pirse xoy kesêkî şîyaw û renge le zorbey kesayetîyekanî naw kitêbekeş be agatir û lêzantir bêlem beserhat û serdeme, ewendey dike kitêbekey benirixtir kirdûwe û tuwanîwêtî komelêk laperey şarawe û tarîkî mêjûyekî kon û nwêman bo bas bikat û serincî lêkolerewan û xwêneranî mêjû bo lay xoyrakêş bikat.
Ciyawazî xebat û têkelawî şorişgêranî Iranî û Kurd le sedey rabirdû, xebatî çekdarî çepî Iranî û şorişî çekdarî le Rojhelat, şwên pêy endêşey çep le bizûtnewekanî parçe ciyawazekanî Kurdistan û kargerîye nerênî û erênîyekan be seryanewe, Marksîsm û çep bûn û endêşey Mao be ser çend rêkxiraw û hîzbî gewre le hemû parçekan û be taybet
Rojhelat û Başûr, birkirdin û serencamî xebatî sertaserî legel netewey baladest, newî bûnî dîwarî Kurd û lêy weser kewtin le katî tengane û bêderbestî û be eksîşewe le katî deselstdarîyan, pişgwê xistinî netewe û xebatî Kurdî, pêkewe jîyan û lêk hehelawardin, ezmûnî set sal xebatî bê pisanewe û asinî sardkutan legel roşnibîran û nuxbey Iranî, be tenya cê hêştinî xebatî çekdarî Kurdekan û deyan çemk û babetî lem çeşne dekrê bester û meydanêkî gewre û firawanî leber roşnayî em kare bêwêneyey Kak Hesen lê berhem bêt.
Zimanêkî paraw û şareza bûnî xoy le mêjû û zimanewanî ewendey dî xwêndnewî em kitêbe lay xwêner şîrîntir û besudtir dekat. Wêney le xo birdûyî şorişgêranî sedey rabirdû weha hêma kirawe ke hezaran hesret dexwazî bo rojgaranî kon u ewbawaney ewan serdem.
Gêranewe û helsengandinî em kele piyawaney Marksî û komonîstî şarekanî Iran, sebaret be giyanbextkirdûwanî wek şehîdan Suleyman Muînî, Simayîl Şerîfzade, Ebdula Muînî, Xelîl Şewbaş, Qadir Şerîf û deyan pêşmergey henasesard û be tenyay, sedey rabirdûy Rojhelatî Kurdistan, xwêner debatewe bo ewto xesarnasîyekî û be xodaçûnewe û qûl
xeyalêkî û xewnî dûbarenebûnewey hel û helekan.
Gêranewe le zimanî nuxbe û roşinbîr û çepî Iran lemer xeyanetî serkirdey Kurd û fîdakarî pêşmerge wa le xwêner dekat qûl biçête naw deryay mêjûy çewaşekarî û be fîrodanî wize û hestî pakî şorişgêran u pêşmergekan û ramanêk, erê berastî wek ewey bêgane deman nasêt xoman xomanman nasîwe?!
Dûbare bûnewey ezmûnî Kurd legel nuxbe û grûpgelî Iranî û bêgane û mitmane pêkirdinyan le katî lawazîyan, dîsan bîrhênerewey em derse tale ye ke hergîz be karî nahênîn û leser yek le serdeme ciyawazekan da dûpat debêtewe.
Em kitêbe be dilnîyayî cêy başî le naw kitêbxaney Kurdî da bo dekrêtewe û başe amadekar le çapî taze da hewil bidat bo nehêştinî komelêk kem û kurî wek; gurînî be fontêkî çawdost û xoşbaw, dananî ferhengokî wuşe û şerh û perawêzî ziyatir, rênûsêkî giştgîr û ta radeyek standard, îndêksî nawekan û şwênekan, dîzanêkî cuwan û emroyî berg û laperekan, ke wek dezanim êsta le Başurî Kurdistan çi le Silêamanî û çi le Hewlêr komelêk çapxaney baş û
pêşkewtûman heye.
Alî Kerîmî
parvê bike
Nûçeyên ku dikare bala we bikşîne
