Birayên Lumiêre (Frères Lumière) di Adara 1895’an de li Fransayê kameraya xwe li ber hatinûçûna karkerên kargeha xwe bi cih kir û wêneyên livok yên karkeran tomar kirin.
Ev tomar nîşanî xelkê hate dayîn û bû pêngava yekemîn a derketina sînemayê li seranserî cîhanê.
Filmê wan yê bi navê “Trên Tê” jî yek ji wan filmên girîng ê destpêka sînemayê ye. Birayên Lumiêre bi sedan filmên yek deqeyî çêkirin û nîşanî xelkê dan. Ji ber vê yekê ev bira weke pêşengên hunera sînemayê tên zanîn.
Di van demên dawiyê de filmekî nû bi navê “Lumière, l’aventure continue” derbarê kar û çalakiyên hunerî yên Birayên Lamiêre hate weşandin. Derhêneriya film Thierry Fremaux kiriye û Înstûtiya Lumiêre jî barê çêkeriyê daye ser mile xwe.
NAVENDA NÛÇEYAN
