Grégoire Scalabre ku vazoyan bi awayekî hosteyane peykeran çêdike, bivênevê bala bîneran dibe ser berhemên xwe yên mezin û bêhempa.
Gava mirov li dûr disekine û li berhemên wî yên bi hêcm û bi ruh dinihêre ew ber bi me ve tên. Dema ku hûn ji nêzîk ve lê dinêrin, ev formên wî ewqas bi hûrgilî li ser rûyê berhemê hatine pêçan ku dişibin vazoyên bêhempa yên pir biçûk.
Tenê seramîkçêkerên herî jêhatî dikarin herikbariyeke bi vî rengî bi ser bixin, û eşkere ye ku Scalabre jî yek ji wan e. Hunermendê ku li Parîsê dijî, di 16 saliya xwe de yekem car eleqeyek bi seramîkê re çêbû û berhemên ku wî wekî "konteynerên bikêrhatî yên ku li dora me li her derê hene û beşek ji rîtuelên jiyana me ya rojane ne" binav kirin, afirandin. Paşê, Scalabre eleqeyeke kûr bi mîtolojiya Yewnanî re pêş xistin, û ev eleqe di şeklên amforayî yên ku hê jî dikole de xuya bû. Ev amfora, di peykerên wî de bi gelemperî wekî zeviyên diherikin belav dibin, û her vazo bi xwe yekta ye, piçûk û ji yên din cuda ye. Sernavên berhemên hunerî yên Scalabre bi gelemperî behsa fîgur an çîrokên mîtolojîk dikin, ku ev têkiliya bi kevneşopiyên Yewnanî yên kevnar re xurtir dike.
Yekem car di sala 2022’an de peykerê bi navê “Veguherînên Dawî yên Thetis”ê çêkir, ku ev berhem ji bo periya deryayê ya Yewnanî Thetis rêzgirtinek e. Ev berhema mezin ji zêdetirî 70,000 vazoyan pêk tê, ku bi rengên kesk ên dewlemend û spîyên safî hatine xemilandin. Veguheztina ji spî ber bi kesk û dîsa ber bi spî, kûrahiyên guherbar ên deryayê û mîneralîbûna wê ronî dike, dema ku şiklê peykerê wekî pêlek deryayê bilind dibe û vedikişe.
Scalabre di hevpeyvînek berê de ji My Modern Met re gotibû, "Ev kompozîsyonek azad e ku qalibek wê ya pêşwext nîne. Ev bi awayekî întuîtîv tê kirin, bi rêya têkildarkirina şekl û rengan ji paletên ku di dema pijandinê de têne berhevkirin. Parçe tên rêzkirin, bi hev re têkiliyê datînin û li ser rûyê berhemê zimanek pêş dikeve."
NAVENDA NÛÇEYAN
