Şerî wezîr dîsa bire Kurdistanê
Çarşem 23 Tebax 2023 - 16:32
Wezîrê şer ê Tirk, Yaşar Guler û fermandarên pê re doh çûn Colemêrgê, ser sînorê bi Başûrê Kurdistanê re.
Piştî ku Wezîrê Karên Derve yê dewleta Tirk a dagirker, Hakan Fîdan çû serdana Iraqê, doh jî wezîrê şer ê dewleta Tirk Yaşar Guler li Colemêrgê çû serdana xeta sînorê di navbera Bakur û Başûrê Kurdistanê de. Serokê Fermandariya Giştî ya dewleta Tirk Orgeneral Metîn Gurak, Fermandarê dagirkeran ê Hêzên Bejahî Orgeneral Selçûk Bayraktaroglû, alîkarên wezîr Alpaslan Kavaklioglû, Şûay Alpay û Fermandarê Artêşa 2'yemîn Korgeneral Metîn Tokel jî li cem wezîrê şer bûn. Yanî çerxa şer a dewleta Tirk hemû çû Colemêrgê.
Guler û heyeta pê re çûn serdana “Tûgaya Çiya û Komando ya li Colemêrgê” ya dagirkeriya xwe, têkildarî êrişê leşkerî yên dagirkeriyê yên li Colemêrgê û Başûrê Kurdistanê, agahî wergirtin.
Wezîr Yaşar Guler pêr jî li Şirnexê çûbû serdana Fermandariya Tumena Piyade ya 23'yemîn a dagirkeriya Tirk.
COLEMÊRG