Rûsan gundê Tirk tê de bombe kir
Duşem 15 Mijdar 2021 - 23:01
- Hêzên hikûmeta Şamê gundewarên rojavayê Helebê topbaran kir. Balafirên şer ên Rûsyayê jî gundekî li rojhilatê Idlibê yê nêzî rêya M4´ê bombeberan kir.
Hêzên hikûmeta Şamê gundewarên rojavayê Helebê topbaran kir. Balafirên şer ên Rûsyayê jî gundekî li rojhilatê Idlibê yê nêzî rêya M4´ê bombeberan kir. Li vî gundî çend nuqteyên dewleta Tirk jî hene.
Navenda Çavdêriya Mafên Mirovan a Sûriyê (SOHR) ragihand ku di encama topbarana hêzên hikûmeta Şamê li dijî gundê Kefernûran ê gundewarên rojavayê Helebê de jinek hatiye kuştin û 3 kes jî birîndar bûne.
Li aliyê din jî, balafireke Rûsya çend caran gundê Mejdeliya yê li ser rêya Heleb-Lazqiyê M4´ê, li rojhilatê bajarê Idlibê, bombeberan kir. Li vî gundî çend nuqteyên dewleta Tirk hene.
SOHR´ê pêr ragihand ku hêzên hikûmeta Şamê gundê Sifûhin, El-Fitêra, Filêfil ê li çiyayên Zawiye yê başûrê Idlibê jî topbaran kirine.
NAVENDA NÛÇEYAN