Dozgerê bajarê Croissy-Beaubourg ê Fransayê da zanîn ku diz ketine atolyeya Anselm Kifer û hin parçeyên peykerekî dizîne. Hat zanîn ku bihayê wan parçeyan bi qasî milyonek dolarî ye.
Parçeyên ku hatine dizîn, hin pirtûkên taybet in; ev pirtûk ji zirîçê hatine çêkirin. Beriya niha jî sala 2016’an, dîsa diz ketibûn atolyeya Anselm Kifer û hin pirtûkên ku weke peykeran hatibûn çêkirin, dizîbûn. Her wiha, di dema diziyê de zerar li hin peykerên Kifer jî kiribûn û hinek ji wan peykeran şikestibûn.
Li gorî dozgeran daye zanîn, dizên ketine atolyeyê, ne li pey peyker û berhemên hunerî bûne. Dozgerên cihê ev bûyerên diziyê şopandine. Li gorî wan, dizan xwestiye malzemeyên ku peyker bi wan tên çêkirin, bidizin û haya wan ji buhaya berhemên hunerî tine bûye.
Gelo belgefilmî bala dizan bir ser atolyeyê
Ev bûyera diziyê, piştî nîşandana belgefilmê Wim Wenders yê bi navê “Anselm” ê li DYE’yê, pêk hatiye. Wim Wenders belgefilmê “Anselm” bi teknîka 3D çêkiribû û di belgefilmê de balê dibe ser huner û karîyera hunerî ya Anselm Kifer. Wim Wenders di belgefilmê xwe de berhemên Anselm ên di depoya wî ya mezin de nîşan dide.
CROISSY-BEAUBORURG
