- Kurdistaniyan li bajarên Swêdê Malmo û Goteborgê, Newroz îsal bi coş û girseyî pîroz kir. Di pîrozbahiyan de Hefteya Lehengan jî hate silavkirin.
Kurdistaniyan li bajarên Swêdê Malmo û Goteborgê, Newroz îsal bi coş û girseyî pîroz kir. Di pîrozbahiyan de Hefteya Lehengan jî hate silavkirin.
Bi pêşengiya Navenda Civaka Demokratîk a Kurd a Swêdê (Herêma Skåne) li herêmên Malmo û Goteborg ên Swêdê cejna Newrozê bi coşeke mezin hate pîrozkirin.
Pîrozbahiya li Malmo 26’ê Adarê, pîrozbahiya li Goteborgê jî 27’ê Adarê pêk hat.
Di herdu pîrozbahiyan de li peyamên partî û rêxistinên siyasî, peyama Hevserokê Konseya Rêveber a KCK’ê Cemîl Bayik bi sînevîzyonê hate guhdarîkirin.
Nûner û endamên Partiya Çep a Swêdê jî di şahiyan de Newroz li gelê Kurd pîroz kirin.
Nûnerên Partiya Çep gotin, ew piştgiriya xwe bi Kurdan dewam bikin û hewldanên wan ji bo derxistina navê PKK’ê ji ‘lîsteya rêxistinên terorê’ hene.
Xelk jê bi cilûbergên neteweyî tevlî pîrozbahiyan bû û bû reng û xemla Newrozê.
Hunermend Ferîborz Keremî, Yelda Ebasî, Şiyar û Dijwar, Koma Govendê ya Keçên Efrînê û Hozan Fîgan hunerê xwe pêşkêş kirin.
MALMO/ GOTEBORG
