Bi rasthatina salvegera destpêkirina dagirkeriya dewleta Tirk a li dijî Efrînê ya ku 18´ê Çileyê 2018´an dest pê kir, li ser banga Rêxistina Miletên Tehlûke li Ser Wan (GfbV) li paytexta Elmanyayê Berlînê tê rûreşkirin. Çalakiya ku sibe weke nobeta hişyarkirinê wê bi rê ve biçe, bi sernavê “Bombeyan li Kurdan dibarînin-Birêz Scholz, hevkarê NATO´yê Erdogan êdî rawestînin” wê li dar bikeve. GfbV ji bo beşdariya çalakiyê bang li xelkê kir. Çalakî sibe ji saet 15:00´ê heta bi 16:30´î wê dewam bike. Cihê çalakiyê jî pêşiya avahiya Serokwezîrtiyê ya li navnîşana li jêr e:
Bundeskanzleramt, Willy-Brandt-Straße 1, Berlîn
Di bangê de GfbV bi bîr dixe ku dewleta Tirk di nava sala 2022´yan de 17 hezar û 596 caran êrişî Rojavayê kurdistanê û Bakur-Rojhilatê Sûriyê kiriye û bi sedan xelkê deverê di van êrişan de canê xwe ji dest daye. Rêxistin dibêje, rejîma Erdogan par bi qest binesaziya herêmê jî rûxandiye û lazim e ev êrişkariya li dijî hiqûqa insanî û ya navneteweyî, tavilê bê rawestandin.
GOTTINGEN
parvê bike
Nûçeyên ku dikare bala we bikşîne
