Festîvala Aştiyê ya Zarokan ya 4’an, bi dirûşma “Kenê li me vegerînin” li ser dika Navenda Çand û Huner a Cirniyê bi rê ve çû.
Di roja sêyem a festîvalê de, nûnerên Rêveberiya Sivîl a Demokratîk, meclisên leşkerî, partî, Rêveberiya Jinan, ciwanên şoreşger, jinên ciwan, bi sedan zarok û şêniyên Cirniye beşdar bûn.
Di festîvalê de, endamê Navenda Çand û Huner a Tebqayê Amir El Inad axivî û bixêrhatina beşdaran kir.
Dûre komên Mîrasa Cirniyê, Koma Şanoyê ya Cirniyê, Koma Komîteya Perwerdeyê ya Cirniyê, Baxçeyê Zarokan a Enwar El Xed a Cirniyê û Koma Hunerê Folklorî ya Cirniyê berhemên xwe nîşan dan.
Piştî wê, spasname û teqdîrname li ser komên beşdar, perwerdeker û komîteya orgenîzer hatin belavkirin.
Festival doh li mezreya El Sefsaf a Tebqayê bi dawî bû.
ANHA/TEBQA
