Eyaz Yûsif hat bibîranîn

Nûçeyên Çand/Huner

Sêşem 26 Çile 2021 - 00:30

Desteya Çand û Huner a Herêma Cizîrê, bi merasîmekê hunermend Eyaz Yûsif bi bîr anî.

Yekşemê êvarê, bi boneya salvegera 35`an a wefata hunermend Eyaz Yûsif yê ku bi navê Eyaz Zaxoyî tê nasîn, ev bibîranîn bi rê ve çû. Merasîma bibîranînê li hola Zanîngeha Rojava ya li bajarê Qamişlo çêbû‫.‬

Hunermendên Herêma Cizîrê, endamên Yektiya Rewşenbîrên Herêma Cizîrê, nûnerên Rêveberiya Xweser a herêma Cizîrê, saziyên civaka sivîl û rewşenbîrên herêma Cizîrê li merasîmê hazir bûn‫.‬

Endamê Komîteya Amadekar a merasîmê, Bêkes Darî bixêrhatina beşdaran kir û got, malbata hunermend Eyaz Yûsif hewl da ku li merasîmê hazir be, lê ji ber astengiyan nedikarî amade be: “Birayê hunermend silavên xwe ji gel, hunermend û dezgehên Rojavayê Kurdistanê re dişîne û ji ber hezkirina wî ji Rojava re soz da ku di demeke nêz de ew ê serdana me bike.‫”

‬Piştî axaftinan, sînevizyonek li ser jiyana hunermend Eyaz Yûsif hat pêşkêşkirin, ku tê de birayê wî Hacî Yûsif, hunermend Bilind Ibrahîm, hunermend Xelîl Xemgîn û hunermend Rojda axivîn‫.‬ Paşê hevseroka Desteya Çand û Huner a herêma Cizîrê û cîgirê wê Danîş Botan ji ber ne hazirbûna malbata hunermend Eyaz Yûsif xelat radestî hunermend Nesrîn Botan û Hacî Mûsa kir‫.‬ Hunermend Nesrîn Botan soz da ku ew ê xelatê radestî malbata hunermend Eyaz Yûsif bike‫.

Di dawiyê de koma Cûdî stranên Eyaz Yûsif gotin‫.‬

Eyaz Yûsif sala 1961`ê li Zaxoyê hat dinê. Sala 1986`an di 20´ê Çile de di encamê nexweşiyê de wî koça dawî kir‫.‬ Strana hunermend

Eyaz Yûsif a pêşî, sala 1982`an bi navê “Min dît cara ewilî” derket. Hunermend 65 stran çêkirine yan jî gotine.‬ 

ANHA/QAMIŞLO

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.