Xezne Ebûdê hunerê xwe nîşan da

Nûçeyên Çand/Huner

Duşem 12 Îlon 2022 - 21:09

  • Komîteya Çand û Huner a Hesekê doh li bajarê Hesekê pêşangeheke şêwekariyê li dar xist ku tê de berhemên hunermend Xezne Ebûd tên nîşandan.

Komîteya Çand û Huner a Hesekê doh li bajarê Hesekê pêşangeheke şêwekariyê li dar xist ku tê de berhemên hunermend Xezne Ebûd tên nîşandan.

Bi beşdariya bi dehan kesên ji Hesekê û bi navê ‘Afirînerî û Reng’ Komîteya Çand û Huner a Hesekê pêşangeheke berhemên şêwekar Xeznê Ebûd vekir.

Li pêşangehê gelek berhem û qederê 30 peyker tên nîşandan.

Şêwekar Xezne Ebûd dide zanîn ku ev berhem cara yekemîn tên nîşandan û dibêje: “Ez 3 mehan bê navber li ser van xebitîm. Min xwest bi rêya vê xebatê, balê bibim ser rola jinan di her warî de û hêza wan ku bi vîna xwe ya xurt li pêşberî astengiyan hemûyan disekinin, nîşan bidim.”

Xezne Ebûd bal bire ser alavên di karên xwe de bi kar anîne jî û got, "Min madeyên sereke wekî karton, felîn, rojname û rengên bingehîn bi kar anîn.”

ANHA/HESEKÊ

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.