Wê heyeta Îmraliyê bi Ocalan re hevîtinê bike

Heyeta Îmraliyê wê roja pêncşemê bi Rêber Apo re hevdîtinê bike.

Heyeta Îmraliyê ya Partiya Demokrasî û Wekheviyê ya Gelan (DEM Partî) wê roja Pêncşemê biçe Îmraliyê û bi Rêber Apo re hevdîtinê bike. Di nava heyetê de Parlamentera Wanê Pervîn Bûldan, Parlamenterê Rihayê Mîthat Sancar û parêzerê Buroya Hiqûqê ya Sedsalê Faîk Ozgur Erol hene.

Hevdîtina roja Pêncşemê wê bibe hevdîtina destpêkê ya Heyeta Îmraliyê ya DEM Partiyê ku piştî avabûna Komîsyona Demokrasî, Xwişk-Biratî û Piştevaniya Mîllî pêk tê.

Tê payin ku Rêber Apo têkildarî karên komîsyonê pêvajoya çekdanînê peyamên girîng bide heyetê.

NAVENDA NÛÇEYAN