Şandeya Fransa li Rojava bû

Şandeyeke Fransî serdana Meclisa Rêveber a Rêveberiya Xweser a Bakur û Rojhilatê Sûriyeyê kir û got ew piştgiriya projeya demokratîk a rêveberiyê dike.

Li gorî ku nivîsgeha ragihandinê ya Rêveberiya Xweser a Bakur û Rojhilatê Sûriyeyê li ser malpera xwe parve kiriye, şande ji nivîskarê Fransî û pisporê kar û barên Kurdî û navneteweyî Patrice Franceschi, nivîskarê Fransî François-Henri Désérable, nivîskar û çalakvana mafên mirovan Zeyneb El Xezwî pêk hat.

Şande ji aliyê Desteya Serokatiya Meclisa Rêveber a Rêveberiya Xweser a Bakur û Rojhilatê Sûriyeyê ve hat pêşiwazîkirin.

Her du aliyan, astengiyên li pêşiya rêveberiyê, beyannameya wê ya ji bo çareserkirina aloziya Sûriyeyê û encamên erênî yên ku bi dest xistine, gotubêj kirin.

Di dawiya serdanê de, şandeyê piştgiriya xwe bi projeya demokratîk a rêveberiyê re anî ziman ku armanc dike jiyaneke hevbeş di navbera pêkhateyan de pêk bîne. Her wiha şandeyê piştgiriya berdewamiya sekna li hember terorê destnîşan kir.

NAVENDA NÛÇEYAN