Ruhê festîvala şoreşê

Festîvala fîlman a ji aliyê Komuna Fîlman a Rojavayê ve hat lidarxistin, da der ku "ruhê festîvala şoreşê divê wiha be". Her çend ruhê komunal ê festîvala bê xalîçeya sor di her aliyê xebatê de diyar bû jî, ne bê kêmasî bû jî.

Bajarê Qamişloyê li Bakur û Rojhilatê Sûriyeyê îsal şahidiya festîvaleke fîlman a geş kir. Piştî navbereke dirêj, Komuna Fîlman a Rojavayê 5'emîn Festîvala Fîlman a Rojavayê ya Navneteweyî li dar xist. Festîval ku di 13'ê Mijdarê de bi dirûşmeya "Çîrokên Hevpar, Sînemaya Azad" dest pê kir, heta 20'ê Mijdarê berdewam kir. Gelek derhêner, senarîst û lîstikvan ji her çar perçeyên Kurdistanê û her wiha ji gelek welatên cîhanê beşdarî festîvalê bûn.

Di festîvalê de 81 fîlm hatin nîşandan. Hin ji wan kurt û dirêj bûn, hin jî belgefîlm bûn. Her wiha semîner û atolye hatin lidarxistin û panel li ser sînemaya jinan, sînemaya Rojhilata Navînê û dîroka sînemaya cîhanê hatin lidarxistin. Sînematografan jî ezmûnên xwe yên di warên cuda de parve kirin. Nîşandan li Navenda Çandê ya Mihemed Şêxo û hola konferansê ya TEV-ÇAND'ê hatin lidarxistin.

Îsal, tevî hemû zehmetiyan jî, festîvalê ji bo hezkiriyên fîlman cihekî bêhnvedanê vekir; atmosfereke gelek hestan hewand afirand; ji berxwedanê bigire heta bîranînan, ji êşê bigire heta hêviyên ji bo pêşerojê.

Girîngiya Festîvala Fîlman a Rojavayê ji sînemayê wêdetir e. Festîval têkoşîna herêmekê ya ji bo ravekirina xwe bi cîhanê re, têkoşîna parastina bîranînê û berxwedana şoreşê nîşan dide. Ji ber vê yekê, hestê hevpar ê di navbera hemû temaşevanên fîlm de ew e ku festîval dê di salên pêş de bigihîje astên hîn mezintir.

MA/QAMIŞLO/AZAD ALTAY