QSD derfetek e

Cîgirê Serokê Navenda Erebî ya Lêkolînên Siyasî û Stratejîk da zanîn ku Hêzên Sûriyeya Demokratî (QSD) derfetek e ji bo ku dikare cihêrengiyê bicîh bîne û welêt biparêze.

Di 10’ê Adarê de di navbera QSD’ê û hikûmeta Şamê de peymanek hat imzekirin û li ser ve yekirina hêzên leşkerî lihev kirin, lê hikûmeta Şamê li şûna tevlîkirinê hewl dide QSD’ê belav bike.

Cîgirê Serokê Navenda Erebî ya Lêkolînên Siyasî û Stratejîk û lêkolînerê siyasî, Muxtar Xebaşî, got ku "Mijara belavkirina QSD'ê li Bakur û Rojhilatê Sûriyeyê ne pêkan e. Ya herî baş tevlîbûna hêzê di nav artêşa Sûriyeyê de ye." Xebaşî diyar kir ku ezmûna ji hêla QSD'ê ve di zêdetirî deh salan de hatiye berhevkirin hiştiye ew bibe bingeha her artêşek neteweyî ya siberojê.

Xebaşî anî ziman ku Sûriyeyê dê ji tevlîbûna QSD'ê gelek sûd werbigire, ji ber ku ew hêzek perwerdekirî ye ku ji sala 2011'an vir ve li dijî DAIŞ`ê û çekdarên din şerên mezin kiriye, "QSD'ê dê ji bo artêşa Sûriyeyê bibe hêzeke bi kalîte, ji ber ku wan ispat kir ku dikarin deverên mezin bi derfetên sînordan biparêzin û li herêmeke bi aloz aramiyê pêk bînin.

Xebaşî got ku QSD nimûneyeke bêhempa ya dîsîplîn û rêxistinê ye. Tişta herî balkêş ku wê karîbû baweriyê li ba şervanên xwe çêbike ku  Herêma Bakur û Rojhilatê Sûriyeyê ferz biprêze. Her wiha kariye li hember gelek komên çekdar bisekine û çend caran jî li hember artêşa Tirkiyeyê.

Xebaşî anî ziman ku pirsgirêka sereke ya dewleta Sûriyeyê îro ne tenê li Bakur û Rojhilatê welêt e, lê belê heman demê de li herêmên din hin hêzên çekdar ên mezhebî hatine avakirin.

ANHA/NAVENDA NÛÇEYAN/GÎVARA ŞÊX NÛR