QSD: 8 çete hatin kuştin

Çarşem 22 Çile 2025 - 03:15

Li derdora Bendava Tişrînê û Dêr Hafirê 8 çete hatin kuştin, 14 çete birîndar bûn, her wiha 4 erebeyên leşkerî û motosîklêtek hatin rûxandin. Navenda Ragihandinê ya QSDˈê bîlançoya pêr a berxwedana li hemberî êrişên dewleta Tirk a dagirker û çeteyên wê yên li ser Bendava Tişrînê, gundewarên li başûrê rojhilatê Minbicê û Dêr Hafirê eşkere kir û ev agahî parve kirin:"Çeteyên dewleta Tirk a dagirker roja Duşemû saet 11.00ˈan de li başûrê rojhilatê Minbicê êrişeke berfireh li ser girê li pêşiya gundê Xirbe Zemala yê derdora bendava Tişrînê pêk anî. Çeteyan bi 6 erebeyên doçka li ser, wesayîteke zirxî û wesayîteke din a zirxî ya BMB êriş kirin. Li ser vê yekê di navbera hêzên me û çeteyan de şer derket û heya saet 15.00ˈan dewam kir. Di encamê de kuştî û birîndarên çeteyan çêbûn. Yekîneyên Şehîd Harûn 5 caran li erebe û kombûnên çeteyan xist. Li eniya Girê Syriatel jî dewleta Tirk a dagirker û çeteyên wê bi obîsan êriş pêk anîn. Lê tu zerar li hêzên me nebûn. Dewleta Tirk a dagirker jî bi balafirên şer derdora Bendava Tişrînê bi dijwarî bombebaran kir. Li wir jî Yekîneyên Şehîd Harûn 12 caran li nuqte û kombûnên çeteyan da. Di encamê de 2 erebeyên leşkerî yên çeteyan hatin îmhakirin û 10 kombûnên çeteyan hatin hedefkirin. Li eniya Dêr Hafirê jî, Yekîneyên Şehîd Harûn 4 caran li erebeyên leşkerî yên çeteyan da ku di nav de 2 erebeyên leşkerî û motosîklêtek hebûn. Hemwextî ku balafirên keşfê li ser herêmê digeriyan, çeteyekî ku hewl da bikeve nuqteyên hêzên me yên li gundê Îmamê, hat kuştin.

Bi giştî 8 çete hatin kuştin, 14 çete birîndar bûn, 4 erebeyên leşkerî û motosîklêtek hatin rûxandin."

ANHA/NAVENDA NÛÇEYAN

parvê bike

   

Yeni Özgür Politika

© Copyright 2025 Yeni Özgür Politika | Mafên belavkirinê parastî ne.