Mizgîniya rizgariya gelê Kurd

• Konseya Serokatiya Giştî ya KCK’ê û Koordînasyona KJK’ê bi wesîleya 4’ê Nîsanê Rojbûna Rêber APO daxuyanî weşandin banga mezinkirina têkoşînê ya ji bo azadiya fizîkî ya Rêber APO kirin.

Konseya Seroktiya Giştî ya KCK’ê bi wesîleya 4’ê Nîsanê ku roja rojbûna Rêber Apo ye, daxuyaniyeke nivîskî weşand. KCK’ê destnîşan kir ku 4’ê Nîsanê mizgîniya rizgariya gelê Kurd ji çarenûsa qirkirinê ye û got:“Gelê Kurd, jin û ciwan sekna xwe ya bi coş, bi hêvî û bi biryar a ku li qadên Newrozê û li meşa Amarayê nîşan dan, di nava salê de wê bigihînin asteke bilind a çalakiyan û hêza rêxistiniyê ya hîn xurt. Weke tevger em ê jî pêkanîna azadiya fîzîkî ya Rêber Apo bikin bingeha têkoşîna xwe û bi vê perspektîfê bixebitin. Li ser vê bingehê em bang li gelê xwe yê welatparêz bi taybetî jin û ciwanan, her wiha dostên hêja dikin ku beşdarî têkoşîna ji bo azadiya fîzîkî ya Rêber Apo bibin, li ser vê bingehê rêxistiniyê xurt bikin û çalakiyên demokratîk hîn bi bandor bikin. Di serî de em 4'ê Nîsanê li Rêber Apo, jinan, ciwanan, li gelê xwe, hemû gelan, dostan û li tevahiya cîhana demokratîk pîroz dikin. Em careke din hevrê Mûstafa Dag û Mahsûm Karaoglan şehîdên 4'ê Nîsanê ku sembolên ciwan ên dilsoziya bi Rêber Apo re ne, bi hurmetî û minetdarî bi bîr tînin. Em meşvanên Amarayê yên ku di şexsê Rêber Apo de berê xwe dane nirxên demokrasî û azadiyê û hemû kesên ku beşdarî çalakiyên demokratîk bûne silav dikin. Civaka Demokratîk û Vejîna Kurdê Azad ku bi rojbûna Rêber Apo re destpê kirî, di heman demê de tê maneya vejîna çandî, olî û nasnameyî ya gelên din ên li Rojhilata Navîn. Yê ku ev ruh û çanda jiyana bi hev re û xwişk-biratiyê gelê me ya civakî û dîrokî derxist holê Rêber Apo bû. Ev ruhê aştî û xwişk-biratiyê ku di dîrok û jiyana gelan de hebû, bi saya Rêber Apo li erdnîgariya Rojhilata Navîn ji nû ve zindî bû. 

Azadiya Rêber APO bingeha têkoşînê ye

Gelê Kurd, jin û ciwan sekna xwe ya bi coş, bi hêvî û bi biryar a ku li qadên Newrozê û li meşa Amarayê nîşan dan, di nava salê de wê bigihînin asteke bilind a çalakiyan û hêza rêxistiniyê ya hîn xurt. Weke tevger em ê jî pêkanîna azadiya fîzîkî ya Rêber Apo bikin bingeha têkoşîna xwe û bi vê perspektîfê bixebitin. Li ser vê bingehê em bang li gelê xwe yê welatparêz bi taybetî jin û ciwanan, her wiha dostên hêja dikin ku beşdarî têkoşîna ji bo azadiya fîzîkî ya Rêber Apo bibin, li ser vê bingehê rêxistiniyê xurt bikin û çalakiyên demokratîk hîn bi bandor bikin."

Jin û ciwan ber bi azadiyê dimeşin

Koordînasyona KJK'ê jî bi wesîleya 4'ê Nîsanê rojbûna Rêber Apo daxuyaniyek da. KJK'ê diyar kir ku li çar parçeyên Kurdistanê û derveyî welat, li her qadê li ser bingeha azadiya fîzîkî ya Rêber Apo divê 4'ê Nîsanê bê pîrozkirin û got:"Em 4'ê Nîsanê rojbûna Rêber Apo pîroz dikin û bi hezkirin û hurmet silav dikin. Li pêşberî bîranîna hevrê Mahsûm Karaoglan û Mûstafa Dag bi rêzdarî bejna xwe ditewînin ku di çalakiyên 4'ê Nîsanê de şehîd bûn û sozê didin ku bîranîna wan bi serketinê bidin jiyîn. Em çalakiya bi wate ya ciwanan silav dikin ku 1'ê Nîsanê ber bi Amarayê ve dest bi Meşa Azadiyê kirin.

Li cografya zehmet û pak a çiya, PKK'ê mîna mêşên hingiv û bi nêzîkatiya gerîla dest bi têkoşîna mezin a afirandina heqîqeta civak û mirovên pak kir. Keda bîst salan a Rêber Apo ya li Rojhilata Navîn, bi deh hezaran şehîd, rabûna bi sed hezaran mirovî li serhildanê, tevlîbûna jinan a pêl bi pêl, keda mezin a bi hezaran gerîla ya li her bihosta çiya rêya ber bi bûyîna sêyemîn diyar kir.

Dara aştî û civaka demokratîk biçînin

4'ê Nîsana îsal, rojbûna 76'an a Rêber Apo ji aliyê Kurdistan, Tirkiye û Rojhilata Navîn ve, ji aliyê jinan ve ji bo rêvekirina li civaka demokratîk û aştiyê xwedî qîmeteke gelekî mezin e. Pîvana esasî ya bicihanîna vê manîfestoyê jî pêkhatina azadiya fîzîkî ya Rêber Apo, demokratîkbûna siyasetê û afirandina bingeha hiqûqî-qanûnî ye. Lewma 4'ê Nîsana 2025'an tê wateya bilindkirina têkoşîna ji bo azadiya mutleq a Rêber Apo ku dikeve sala 76'an. Ev yek berpirsyarî û wezîfeya me ya li pêşberî Rêber Apo ye ku rojbûna xwe kir rojbûna me.

Em bang li gelê xwe yê li hemû parçeyên Kurdistanê û derveyî welat dikin, bi taybetî bang li jinan, ciwanan, zarokan û dostan dikin ku li her devegerê li ser bingeha azadiya fîzîkî ya Rêber Apo 4'ê Nîsanê pîroz bikin û li her derê kulîlk û şitlê daran biçînin. Her dareke ku îsal bê çandin divê bi daxwaza dara jiyanê ya Aştî û Civaka Demokratîk ji bo azadiya fîzîkî ya Rêber Apo bê çandin û Kurdistan û xweza bi vê yekê re bê şînkirin. Dem ew dem e ku bi bûyîna sêyemîn a Rêber Apo re aştî û civaka demokratîk bê afirandin. Li ser vê bingehê em rojbûna Rêber Apo careke din pîroz dikin.

BEHDÎNAN