Mihrîcana Xabûr a Çand û Hunerê ji aliyê rêxistin û saziyên civaka sivîl ên li herêmên Rêveberiya Xweser a Bakur û Rojhilatê Sûriyeyê û hejmareke saziyên çandê ve li hola Marbela ya li bajarê Hesekê hat lidarxistin. Bi dehan endamên saziyên sivîl, kesayetên çandî, olî û hezkiriyên çand û hunerê beşdar bûn.
Di destpêkê de sazî û rêxistinên ku mihrîcan bi rêxistin kirine, bi xêrhatine beşdaran kir û girîngî û armancên lidarxitina mihrîcanê diyar kirin. Hate gotin, armanc ji vê mihrîcanê naskirina çandên li herêmê û parastina wan ji îmhayê ye.
Piştre endama Kombûna Olan û nûnera mezheba şîe Alyaa Mûsa balê bir ser girîngiya jiyana hevbeş a di navbera çandên cuda de û got, jiyana hevbeş pêwîstiyeke jiyanî ye û tevahî ol banga jiyana hevbeş dikin.
Pirrengî têkiliyan xurt dike
Rêveberê Yekitiya Rewşenbîrên Herêma Cizîrê Ebdulwehab Pîranî jî îşaret bi pirrengiya çandî ya li herêmê kir û diyar kir ku ev pirrengî dihêle ku têkiliyên hezkirin, hevgirtin û aştiya navxweyî ya di navbera xelkê Bakur û Rojhilatê Sûriyeyê de xurt bibin.
Di mihrîcanê de helbest hatin xwendin û şanoyek ji aliyê şanoger Şezvan Mehmûd ve hat nîşandan ku balê dikişîne ser girîngiya welat ji bo her ferdekî. Her wiha şanoya bi navê "Şahidên şevê" û şanoya "Giyanên bêguneh" hatin nîşandan.
Di dawiyê de koma "Koral" ya girêdayê Komeleya Çanda Suryan û koma Yekpar ên mûzîkê hunerên xwe nîşan dan. Koma dîlanan a girêdayî Meclisa Civaka Ermenî govend gerandin.
ANHA/HESEKÊ
parvê bike
Nûçeyên ku dikare bala we bikşîne
