Li dijî PDK’ê 51 roj in nobetê digirin
Sêşem 23 Mijdar 2021 - 23:15
- Nobeta Meclisa Dayikên Aştiyê li Deriyê Sînor ê Sêmalka di roja 51’ê de didome.
Nobeta Meclisa Dayikên Aştiyê li Deriyê Sînor ê Sêmalka di roja 51’ê de didome.
Hêzen çekdar ên ser bi PDK´ê di 28-29’ê Tebaxê de li herêma Xelîfan kemîn danîbûn pêşiya gerîlayên HPG’ê. Di kemînê de 5 gerîla şehîd bûbûn. Gerîlayekî birîndar ji kemînê xelas bûbû, da bû zanîn ku gerîlayekî din jî birîndar ketiye destê wan çekdaran. Hêzên PDK’ê cenazeyên gerîlayên şehîd desteser kirin û ev 88 roj in cenazeyan nade malbatên wan.
Malbat ji bajarê Qamişloyê ji bo girtina cenazeyên gerîlayan çûbûn Deriyê Sînor ê Sêmalka û xwestibûn derbasî Başûrê Kurdistanê bibin. Hêzên PDK’ê malbat asteng kirin. Li ser vê astengkirinê Dayikên Aştiyê û malbatên gerîlaya YJA STARê Nesrîn Temîr û malbata gerîlayê HPG´ê Yûsif Îbrahîm, li deriyê sînor kon vedabûn û dest bi çalakiya nobetê kiribûn. Nobet di roja 51’ê de dewam dike.
Dayik bi israr in ku heta girtina cezayên zarokên xwe, nobeta xwe bidomînin.
DÊRIK