Kurd birînên xwe dipêçin

Meclisa Xweseriya Demokratîk a Şengalê û Saziya Malbatên Şehîdan a Şengalê derbarê erdheja li Bakur û Rojavayê Kurdistanê de daxuyaniyeke nivîskî weşandin.

Di daxuyaniyê de hate gotin; “Em bi navê gelê Şengalê sersaxiyê ji tevahiya gelê xwe re dixwazin û şîfaya xêrê ji hemû birîdaran re dixwazin. Em bang li tevahiya civaka Êzidî li her derê û dostên xwe dikin, her kes li gor derfetên xwe bibe alîkar ji bo mexdûran.”

Xelkê Silêmaniyê kete tevgerê

Li Silêmaniyê ji bo mexdûrên erdhejên li Bakur, Rojava û Rojhilatê Kurdistanê kampanyaya alîkariyê hate destpêkirin. Qeymeqamê Silêmaniyê Awat Mihemed  got; “Silêmanî ji bo vê kampanyayê pêşengtiyê dike û em êşa wan parve dikin. Bang li welatî û sermayedaran dikin da ku tevlî vê kampanyayê bibin û bi wê alîkariya xwe kêmek xema mexdurên erdhejê kêm bikîn.”

Kampanyaya alîkariyê li avahiya Mûzexaneya Nîştimanî ya Emnesurek ya Silêmaniyê hatiye destpêkirin.

SILÊMANÎ/ŞENGAL