Komkujiya Garê: Xeyal aştî bû

Mûstafa Dogan ku kurê wî Guney Dogan di Komkujiya 10’ê Cotmehê ya Garê de jiyana xwe ji dest dabû, got: “Hêvî û xeyalên wî mezin bûn. Dê aştî teqez were vî welatî.” 

DAIŞ’ê di 10’ê Cotmeha 2015’ê de li Gara Enqereyê “Mitînga Aştiyê” hedef girt û di êrişa bombeyî de 103 welatiyan jiyana xwe ji dest dan. Ji bo Komkujiya Garê her mehê di roja 10’emîn de li Gara Enqereyê bîranîn tê lidarxistin. Mûstafa Dogan ku kurê wî Guney Dogan di komkujiyê de hatibû qetilkirin, ji bo zindîhiştina xeyala aştiyê ya kurê xwe tev li bîranînê dibe. 

Mûstafa Dogan, diyar kir ku pêkanîna “xeyala aştiyê” ya kurê xwe, têkoşîna wî ya herî mezin e. Mûstafa Dogan, got: “Xeyalê wan aştî bû. Xwezî aştî bihata û şer bi dawî bûbûya. Şer, mirin e, wêranî ye. Lê aştî dide jiyîn. Lewma dibêjim heta dawiyê aştî.” 

Mûstafa Dogan, pêvajoya di serdema komkujiyê de bi bîr xist û got ku gelek derdoran ji bo sekinandin şer û ji bo aştiyê di nava hewldanekê de bû. Mûstafa Dogan, anî ziman ku kesên tev li “Mitînga Aştiyê” bûn daxwaza aştiyê dikirin, daxwaza edaletê, hiqûqê dikirin. Dogan, da zanîn ku xeyalên pir mezin ên kurê wî Guney hebûn û ev tişt anî ziman: “Hêvî û xeyalên wî mezin bûn. Tu caran tenê jiyana xwe ya şexsî nefikirî. Ji bo jiyaneke baş a mirovan dijiya û digot ‘dema min dibstan qedand dê bixebitim û pereyê xwe bidin zarokên kedkarên xizan.’ Anku ji bo aştî û jiyaneke baş a gelê vî welatî dijiya. Fikra wî wiha bû. Bi taybet jî herî zêde aştî diqîriya. Ez ê şûna wî bigirim, dê aştî teqez were vî welatî.” 

MA /ENQERE/ MELÎKE VAROL