Li qada Desteya Çandê ya kantona Reqayê berhema yekemîn a Koma Şahmaran a Tevgera Çand û Hunera Jinên Hîlala Zêrîn hat pêşkêşkirin. Kom ji 13 jinên ciwan pêk tê û govendên kurdî pêşkêş dikin.
Der barê mijarê de, rêvebera tevgerê Mîdya Silêman got kom di 9'ê Mijdarê de piştî perwerdeyên demdirêj ên li ser govendên kurdî wekî yên herêma Amedê û yên herêma Wanê, hat avakirin.
Mîdya Silêman ji ajansa me re got wan ev nav ji çîroka Şahmaranê girtiye û xwest nîşan bidin ku jinên rastî zordariyê tên, ji nû ve serî hildidin.
Berhema yekemîn a komê govendeke ji herêma Wanê bû.
Di dawiya axaftina xwe de Mîdya Silêman got koma wan plan kiriye ku di çalakiyên çandî yên bê de beşdar bibe.
ANHA/REQA
