Kirkazak: Ganî vera Lozanî peymanêko komelkî bêro viraştene

Hemserekê Pêroyî yê HDPyî Cahît Kirkazakî dîyar kerd ke ganî vera Lozanî peymanêko komelkî bêro viraştene.

HDP û Partîya Çep a Keske verê konferansan konferansanê xo ramnenê. Hetê Rêxistinanê partîyan ra Amed de kombîyayîşêk ame viraştene. Hemserekê Pêroyî yê HDPyî Cahît Kirkazak, parlamenterî û xeylê temsîlkarê rêxistinanê sivîlan bîyê beşdarê kombîyayîşî.

‘Lozano komelkî şert o’

Hemserekê Pêroyî yê HDPyî Cahît Kirkazakî kombîyayîş de qisey kerd û va, “Peymanê Lozanî ser ra 100 serrî vîyartê. 100 serrî yo bi nê peymanî ziwanî, kulturî û nasnameyî yenê qirkerdene. Ewro ganî vera Lozanî peymanêko komelkî bêro viraştene. No îrade zî şarê Kurdî de HDP û Partîya Çep a Keske de esto.”

‘Ma şarê xo ra bawer ê’

Kirkazakî dîyar kerd ke weçînayîşî goreyê zerra înan nêbîyê û va, “Man ika seba haştîye û serkewtişî xerîteya xo ya rayîrşîyayîşî xêz kenê. No hereket, xo ra û şarê xo ra bawer o. Hereketê ma do rexneyanê xo bido. Badê weçînayîşî vera partîyanê ma xeylê dek û dolabî ameyê kerdene. Na partî, bi şarê xo û sazîyanê xo nê hêrişî pûç kerdê. HDP, pêro tecrubeyê xo ewro dewrê Partîya Çep a Keske kerdê. Ewro ra dima ma ganî nîqaşan bikerê ke; ma senî eşkenê haştîye awan bikerê û Lozanê Komelkîyî senî bivirazê. Nê nîqaşî do hereketê ma bihêze bikerê.”

MA / AMED