Ji bo vegera Efrînê ewlehî divê

Koçberên ji Efrînê yên ku niha li Helebê dijîn, diyar kirin ku dewleta Tirk a dagirker hîna jî baregehên xwe yên leşkerî li Efrînê hiştine û sûcên li dijî gel bê hesab berdewam dike.

Koçberên ji Efrînê yên ku niha li Helebê dijîn, gotin heta artêşa Tirk a dagirker û çeteyên wê bi temamî ji Efrînê venekişin, ew venagerin herêmên xwe.

Îbrahîm Horo diyar kir ku ew du caran rastî koçkirina bi darê zorê hatiye, cara yekem piştî dagirkirina Efrînê û cara duyemîn bi dagirkirina Şehbayê re, ku ew neçar mane ber bi herêmên Bakur û Rojhilatê Sûriyeyê û Helebê koçber bibin.

Îbrahîm Horo diyar kir ku şêniyên Efrînê de dema koçberkirinê de rastî binpêkirin û destdirêjiyê hatine.

Îbrahîm Xelîl jî diyar kir ku dewleta Tirk a dagirker hîna jî baregehên xwe yên leşkerî li Efrînê hiştine û sûcên li dijî gel bê hesab berdewam dike. Îbrahîm  Xelîl xwest ku aliyên navneteweyî der barê mijarê tevbigerin û çareseriyên bingehîn ji koçberên Efrînê peyda bikin.

Ebdo Beyrem Hisên jî diyar kir ku koçberên ji Efrînê bi salan e ji bo vegerê li ber xwe didin, lê heta niha ev maf bi cih nehatiye.

Koçberan her wiha bal kişand ser helwesta desthilata Şamê û xwest helwesteke zelal li dijî dagirkeriyê nîşan bide. 

ANHA/HELEB/NISRÎN ŞÊXO