Li gorî lîsteya Asian Movie Pulse, di nava 20 filmên herî baş yên welatên Rojavayê Asyayê yên sala 2020’an de di rêza 5´an de filma derhêner Ersîn Çelîk Ji bo azadiyê jî cih girt.
Filma ‘Ji bo azadiyê’ li ser berxwedana 100 rojî ya Sûrê (Amed) ya sala 2015/2016´an bû. Dîmenên filmê li sala 2019’an li Kobanê hatin girtin.
Filmê heta niha xelata film a Palmiye Vollance û Katalanê girtiye û niha jî ketiye rêza 5’an a filmên Rojavayê Asyayê. Ziman esasî yê filmê Kurdî ye, jêrnivîsa wê bi zaravayê Soranî jî hatiye kirin. Şirketên Japonî û Spanî dûblaja zimanê Japonî, Spanî û Portekîzî kirine. Her wiha bi zimanên biyanî Elmanî, Fransî, Ingilîzî, Erebî, Tirkî, Katalonî, Koreyî, Îtalî jî dublaja filmê hatiye kirin. Bi giştî film li 13 zimanan hatiye wergerandin.
NAVENDA NÛÇEYAN
