Îsraîlê êrîş bir ser Şamê

Hat ragihandin ku balafirên şer ên Îsraîlê baregeha Tûgaya 79’an a li herêma Hercele ya Şamê, bombebaran kir û di heman demê de Çiyayê Manî hedef girt. Tê diyarkirin ku di êrîşan de mirî û birîndar hene.

Di dema êrîşan de balafirên şer ên Îsraîlê li asîmanên Şamê û li herêmên bejahî yên derdora wê bi nizmî difiriyan. Her wiha hat gotin, helikopter jî li ser qadên hatine hedefgirtin, hatin dîtin.

Li aliyê din hat zanîn ku dema êrîş pêk hat Serokê Hikûmeta Şamê Ahmet El Şera li pêşangeheke li bajêr bû. Hat diyarkirin ku dûrahiya di navbera herêma hatî bombebarankirin û qada pêşangehê de, tenê 10 kîlometre ye.

NAVENDA NÛÇEYAN